Пойтахт дербиси мақомига эга баҳснинг қизиқ кечиши кутилмоқда. Бу ҳақда "Локомотив" бош мураббийи Вадим Абрамов ҳам сайтимизга берган интервьюсида айтиб ўтди.
- Дерби ўз номи билан дерби. Шундай экан, "Пахтакор" билан бўладиган ўйинимиз қизиқарли кечишига шубҳа қилмайман. Мухлисларимиз кўз ўнгида чиройли ўйин намойиш этиб, ғалаба қозонишга ҳаракат қиламиз, - дейди Вадим Абрамов.
- Вадим Карленович, ўйинга тайёргарлик қандай кетяпти?
- Ҳаммаси режа бўйича. Иш жараёни давом этмоқда, футболчилар эртанги учрашувга тайёр.
- Таркибда ҳамма соғми? Жароҳат олганлар йўқми?
- Ислом Тўхтахўжаевни бироз жароҳат безовта қилмоқда. Шу боис у кечаги машғулотда иштирок этмади. Ўйингача унинг ҳолатини назорат қилиб турамиз.
- Сизнингча, "Пахтакор" ҳозир қандай ҳолатда?
- Рақиб ҳурматга лойиқ жамоа ҳисобланади. Улар чемпионлар лигасининг сафар ўйинларида мағлуб бўлишмади. Шунингдек, ички чемпионатда ҳам яхши ўйин намойиш этмоқда.
- Катта эҳтимол билан "Пахтакор" таркибида Жамшид Искандеров ва Кахи Махарадзе майдонга тушмаслиги мумкин. Агар шундай бўладиган бўлса, бу "Локо"га қўшимча плюс бўладими?
- Бу ҳақда бир нарса дейиш мушкул. Менга қолса, "Пахтакор" бизга қарши ўзининг етакчи ўйинчилари билан ўйнагани маъқул. Чунки Искандеров билан Махарадзенинг имкониятларини биламиз. Шунда ўйин янада кескин кечади.
- Статистика шуни кўрсатяптики, "Локомотив" ўз майдонида "Пахтакор"ни ҳали олий лигада мағлуб эта олмаган. Бу сизни безовта қиладими ва "Локомотив" бу анъанани йўққа чиқаришга тайёрми?
- Бу мени безовта қилмайди, лекин ўйинга алоқадор ҳар қандай маълумот ёки статистикани билиб қўйишнинг зарари йўқ. Футболда анъана ҳар доим бир хил давом этмайди. У қачондир бузилиши керак. Насиб қилса, бу сафар биз ғалаба қозонамиз.
- Дерби ўз номи билан дерби. Шундай экан, "Пахтакор" билан бўладиган ўйинимиз қизиқарли кечишига шубҳа қилмайман. Мухлисларимиз кўз ўнгида чиройли ўйин намойиш этиб, ғалаба қозонишга ҳаракат қиламиз, - дейди Вадим Абрамов.
- Вадим Карленович, ўйинга тайёргарлик қандай кетяпти?
- Ҳаммаси режа бўйича. Иш жараёни давом этмоқда, футболчилар эртанги учрашувга тайёр.
- Таркибда ҳамма соғми? Жароҳат олганлар йўқми?
- Ислом Тўхтахўжаевни бироз жароҳат безовта қилмоқда. Шу боис у кечаги машғулотда иштирок этмади. Ўйингача унинг ҳолатини назорат қилиб турамиз.
- Сизнингча, "Пахтакор" ҳозир қандай ҳолатда?
- Рақиб ҳурматга лойиқ жамоа ҳисобланади. Улар чемпионлар лигасининг сафар ўйинларида мағлуб бўлишмади. Шунингдек, ички чемпионатда ҳам яхши ўйин намойиш этмоқда.
- Катта эҳтимол билан "Пахтакор" таркибида Жамшид Искандеров ва Кахи Махарадзе майдонга тушмаслиги мумкин. Агар шундай бўладиган бўлса, бу "Локо"га қўшимча плюс бўладими?
- Бу ҳақда бир нарса дейиш мушкул. Менга қолса, "Пахтакор" бизга қарши ўзининг етакчи ўйинчилари билан ўйнагани маъқул. Чунки Искандеров билан Махарадзенинг имкониятларини биламиз. Шунда ўйин янада кескин кечади.
- Статистика шуни кўрсатяптики, "Локомотив" ўз майдонида "Пахтакор"ни ҳали олий лигада мағлуб эта олмаган. Бу сизни безовта қиладими ва "Локомотив" бу анъанани йўққа чиқаришга тайёрми?
- Бу мени безовта қилмайди, лекин ўйинга алоқадор ҳар қандай маълумот ёки статистикани билиб қўйишнинг зарари йўқ. Футболда анъана ҳар доим бир хил давом этмайди. У қачондир бузилиши керак. Насиб қилса, бу сафар биз ғалаба қозонамиз.