“Уотфорд” Эшли Янг билан келишувга эришмоқчи

Бу ҳақда италиялик журналист Никола Скира ўз Твиттерида маълум қилди.Футболчининг шартномаси ёзда ўз ниҳоясига етади. Таъкидлаш жоизки, Янг “Уотфорд” клуби тарбияланувчиси ҳисобланади. У 2003-2007 йилларда айнан ушбу клубда тўп тепган.

Жорий мавсумда Янг Италия А сериясида 23 та учрашувда майдонга тушди. У 2020 йилдан буён “Интер” шарафини ҳимоя қилиб келмоқда. Футболчи фаолияти мобайнида “Манчестер Юнайтед”, “Астон Вилла” ва “Уотфорд” жамоаларида тўп тепган.