"Унион" бош мураббий Урс Фишер билан хайрлашди
15 ноя 2023 15:14
Янгиликлар

"Унион" бош мураббий Урс Фишер билан хайрлашди

Урс Фишер Берлиннинг "Унион" клубиб ош мураббийи лавозимидан кетди.

Ҳар икки томон ўзаро келишиб шундай қарорга келган. Бош мураббий клуб президенти Дирк Цинглер билан юзма-юз учрашуви вақтида якуний қарор қабул қилинган.

Фишер "Унион"ни 2018 йил ёзидан буён бошқариб келаётганди. Швейцариялик мутахассис клуб тарихидаги энг муваффақиятли мураббий ҳисобланади. Ўзининг биринчи мавсумидаёқ Фишер жамоани Бундеслигага олиб чиқишни уддалади. Шунингдек, айнан Урс қўл остида "Унион" тарихида илк бор еврокубокларда иштирок этди. Ўтган мавсум жамоа тўртинчи ўринни эгаллади ва ҳозирда Чемпионлар Лигасида иштирок этмоқда. Бу ҳам "Унион" тарихида илк бор юз берган воқеалар саналади.

Бугунги кунда "Унион" барча мусобақаларни инобатга олганда 14 ўйинлик мағлубиятли серияни қайд этмоқда. Бундеслигада Берлин жамоаси охирги, 18-ўринни эгаллаб турибди.

Ҳавола :

Манба : fc-union-berlin.de

Янгиликларни Телеграмда ўқинг!

Рейтинг: +2