Уммонга қарши ўйинларни Цейтлин ва Эрматов бошқаради
23 май 2014 11:35
Янгиликлар
Уммонга қарши ўйинларни Цейтлин ва Эрматов бошқаради
Ўзбекистон миллий терма жамоасининг 27 ва 29 май кунлари Уммон миллий терма жамоасига қарши бўлиб ўтадиган ўртоқлик учрашувларини бошқариб борувчи ҳакамлар номи маълум бўлди.
27 май, сешанба куни Олмалиқ шаҳридаги ОКМК спорт мажмуаси стадионида бўлиб ўтадиган Ўзбекистон ва Уммон миллий терма жамоалари ўртасидаги халқаро ўртоқлик учрашувини ўзбекистонлик ФИФА рефериси Владислав Цейтлин бошқариб боради. Унга қанотларда тошкентлик Темур Гайнуллин ва Тошкент вилоятидан Андрей Цапенко ёрдам беради.
29 май, пайшанба куни Тошкентдаги «Жар» стадионида бўлиб ўтадиган иккинчи учрашувни ФИФА рефериси Равшан Эрматов бошқариб боради. Ушбу ўйинда Эрматов Бразилияда бўлиб ўтадиган 2014 йилги жаҳон чемпионати баҳсларида иштирок этадиган таркиби билан иштирок этади – қанотларда унга ўзбекистонлик Абдуҳамидулло Расулов ва қирғизистонлик Баҳодир Қўчқоров ёрдам беради.
Эслатиб ўтамиз, ҳар иккала ўйин маҳаллий вақт билан 19:00да бошланади. Учрашув чипталари 7 ва 10 минг сўмдан сотувга чиқарилади. Учрашувларни ёритиш истагида бўлган ОАВ ходимлари ЎзПФЛ томонидан Олий Лига, Ўзбекистон Кубоги ва Ўзбекистон Биринчилиги ўйинлари учун берилган аккредитациялар билан киришлари мумкин.
Маълумот учун, Ўзбекистон миллий терма жамоаси Уммонга қарши ўртоқлик учрашувларига тайёргарликни 24 май, шанба куни бошлайди. Миллий терма жамоа бош мураббийи Миржалол Қосимов Тошкентда бошланадиган йиғинга 30 нафар футболчини таклиф қилган.
29 май, пайшанба куни Тошкентдаги «Жар» стадионида бўлиб ўтадиган иккинчи учрашувни ФИФА рефериси Равшан Эрматов бошқариб боради. Ушбу ўйинда Эрматов Бразилияда бўлиб ўтадиган 2014 йилги жаҳон чемпионати баҳсларида иштирок этадиган таркиби билан иштирок этади – қанотларда унга ўзбекистонлик Абдуҳамидулло Расулов ва қирғизистонлик Баҳодир Қўчқоров ёрдам беради.
Эслатиб ўтамиз, ҳар иккала ўйин маҳаллий вақт билан 19:00да бошланади. Учрашув чипталари 7 ва 10 минг сўмдан сотувга чиқарилади. Учрашувларни ёритиш истагида бўлган ОАВ ходимлари ЎзПФЛ томонидан Олий Лига, Ўзбекистон Кубоги ва Ўзбекистон Биринчилиги ўйинлари учун берилган аккредитациялар билан киришлари мумкин.
Маълумот учун, Ўзбекистон миллий терма жамоаси Уммонга қарши ўртоқлик учрашувларига тайёргарликни 24 май, шанба куни бошлайди. Миллий терма жамоа бош мураббийи Миржалол Қосимов Тошкентда бошланадиган йиғинга 30 нафар футболчини таклиф қилган.
championat.asia
Тимур Кападзе: "Атрофдаги воқеалардан жуда чарчадим"
Славен Билич Ўзбекистон терма жамоаси бош мураббийига айланиши мумкин
Суперлига. "Насаф" "Бухоро"ни йирик ҳисобда мағлуб этди
“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида
Фикрлар