Улуғбек Бакаев: "Биринчи бўлимда бизда ҳеч нарса ўхшамади"
12 апр 20:53
Янгиликлар

Улуғбек Бакаев: "Биринчи бўлимда бизда ҳеч нарса ўхшамади"

Суперлиганинг 5-туридан ўрин олган "Қўқон-1912" - "Бухоро" (1:0) учрашувидан сўнг меҳмонлар бош мураббийи Улуғбек Бакаев матбуот анжуманида иштирок этди.

Ўйин ҳақида

- Биринчи бўлимда бизда ҳеч нарса ўхшамади. Ёмон ўйнаб ютқазиш мумкин, лекин бундан фарқли. Иккинчи бўлимда ҳужумкорликка интилдик. Бироқ, бугун бизнинг кунимиз эмас экан. "Қўқон-1912" жамоасини ғалаба билан табриклайман. Ҳоҳиш, иштиёқ уларда юқорироқдек кўринди.

- Биринчи бўлимнинг ўзида иккита алмаштиришни амалга оширдингиз. Бу асосий таркибни танлашдаги хатолик билан боғлиқми?

- Биринчи бўлимда рақиб кўпроқ урғу бераётган ва хатолар кузатилаётган чизиқларда ўзгаришлар қилдик. Бу ўзгаришлар иккинчи бўлимни ҳам кўзлаб амалга оширилди.