U-23 Осиё Кубоги саралаш босқичига қачон қуръа ташланиши эълон қилинди
15 май 13:23
Янгиликлар

U-23 Осиё Кубоги саралаш босқичига қачон қуръа ташланиши эълон қилинди

Осиё футбол конфедерацияси 23 ёшгача футболчилар ўртасидаги Осиё Кубоги саралаш босқичига қуръа ташлаш санасини маълум қилди.

Унга кўра, маросим 29 май куни Тошкент вақти билан соат 12:00 да Куала-Лумпурдаги ОФК қароргоҳида ўтказилади.

Жамоалар охирги 3 та мусобақадаги кўрсаткич бўйича саватчаларга тақсимланган. Ўзбекистон U-23 терма жамоаси 1-саватчадан ўрин олган. Саралаш босқичига Камбоджа, Хитой, Индонезия, Иордания, Қирғиз Республикаси, Мьянма, Қатар, Тожикистон, Таиланд, БАА ва Вьетнам мезбонлик қилади.

Саудия Арабистонида бўлиб ўтадиган мусобақанинг саралаш ўйинлари 1-9 сентябрь кунлари ўтказилади.

Ҳавола :

Манба : the-afc.com

Янгиликларни Телеграмда ўқинг!

Рейтинг: +2