U-23 Осиё чемпионати саралаш босқичига қуръа ташланди. Рақибларимиз маълум

Маълумки, 2020 йил Таиландда U-23 Осиё чемпионати бўлиб ўтади. Ушбу мусобақа Токиода бўлиб ўтадиган Олимпиада ўйинларига йўлланма беради. Маълумки, шу йилнинг қиш фаслида мазкур мусобақада Ўзбекистон U-23 терма жамоаси ғолибликни қўлга киритганди.

Таиланддаги мусобақада кучли учликка кирган жамоалар ёзда Олимпиада ўйинларига боради. ОФК ушбу чемпионатнинг саралаш босқичига қуръа ташлаш маросимини ўтказди. Саралаш босқичида жами 44та жамоа қатнашади. Терма жамоалар икки минтақага бўлинган: Шарқ ва Ғарб. Шарқда 20та, Ғарбда эса 24та жамоа финал босқичи йўлланмаси учун кураш олиб боради.

Саралаш баҳсларига 12та давлат мезбонлик қилади. Ғарб минтақасидан: Ўзбекистон, Қатар, Саудия Арабистони, Эрон, Баҳрайн, Қувайт. Шарқ минтақасидан: Вьетнам, Малайзия, Мьянма, Камбоджа, Тимор-Лесте, Мўғулистон.

Кўриб турганингиздек, биз жой оладиган гуруҳ ўйинлари Ўзбекистонда ўтказилади. Саралаш босқичи 2019 йилнинг 22-26 март кунларига белгиланган. Эслатиб ўтамиз, Ўзбекистон U-23 терма жамоасининг вақтинча мураббийи Равшан Ҳайдаров ҳисобланади.

ҒАРБ МИНТАҚАСИ
"А" гуруҳи
Қатар (саралаш гуруҳи мезбони)
Уммон
Непал
Афғонистон

"B" гуруҳи
Фаластин
Баҳрайн (саралаш гуруҳи мезбони)
Бангладеш
Шри-Ланка

"C" гуруҳи
Ироқ
Эрон (саралаш гуруҳи мезбони)
Туркманистон
Яман

"D" гуруҳи
Саудия Арабистони (саралаш гуруҳи мезбони)
БАА
Ливан
Мальдив ороллари

"E" гуруҳи
Иордания
Сурия
Қирғизистон
Кувайт (саралаш гуруҳи мезбони)

"F" гуруҳи
Ўзбекистон (саралаш гуруҳи мезбони)
Тожикистон
Ҳиндистон
Покистон

ШАРҚ МИНТАҚАСИ

"G" гуруҳи
КХДР
Гонконг
Сингапур
Мўғулистон (саралаш гуруҳи мезбони)

"H" гуруҳи
Жанубий Корея
Австралия
Камбоджа (саралаш гуруҳи мезбони)
Хитой Тайпеи

"I" гуруҳи
Япония
Мьянмар (саралаш гуруҳи мезбони)
Тимор Лесте
Макао

"J" гуруҳи
Малайзия (саралаш гуруҳи мезбони)
Хитой
Лаос
Филиппин

"K" гуруҳи
Вьетнам (саралаш гуруҳи мезбони)
Таиланд
Индонезия
Бруней

- Қуръа жараёнини ҳамюртимиз Аваз Бердиқулов олиб борди.