U-20 жаҳон чемпионати. Осиё 8та ўйинда 7 очко йиғди

Бугундан 3-тур беллашувлари старт олади. Маълумки, ушбу мусобақада Осиёдан тўртта жамоа қатнашяпти: Япония, Қатар, Саудия Арабистони ва Жанубий Корея. 

Ўтган икки турда Япония 4 очко тўплади. Японлар Эквадор билан дуранг ўйнаб, кейин Мексикани йирик ҳисобда мағлуб этишди. Жанубий Кореяда ҳозирча 3 очко бор. Ғарбий Осиё вакили Қатар билан Саудия Арабистони эса ҳозирча ғалаба тугул дурангга ҳам эриша олгани йўқ. 

Кеча Саудия Арабистони Мали билан ўйинда 2:0 ҳисобида олдинда бораётиб, якунда 3:4 ҳисобида мағлуб бўлди. Бундан кўриниб турибдики, саудияликларга характер етишмаяпти. Қатар эса Украинага қарши тенгма-тенг кураш олиб бориб (ҳатто баъзи вазиятларда устунлик қилиб), якунда 0:1 ҳисобида ютқазиб қўйди. 

Дастлабки икки турда Осиё жамоалари қайд этган натижалар 

Япония - Эквадор 1:1

Мексика - Япония 0:3 

Қатар - Нигерия 0:4 

Қатар - Украина 0:1

Франция - Саудия Арабистони 2:0

Саудия Арабистони - Мали 3:4 

Португалия - Жанубий Корея 1:0 

ЖАР - Жанубий Корея 0:1 

Кўриниб турибдики, ҳеч бир жаҳон чемпионати Осиё жамоалари учун осон ўтмайди. Бу хоҳ мундиал бўлсин, хоҳ ёшлар ва ўсмирлар ўртасидаги мусобақалар бўлсин. Ҳозирги пайтда фақат Япониядан нимадир умид қилиш мумкин. Саудия Арабистони билан Қатар мусобақа билан хайрлашиб бўлди. 

Жанубий Кореянинг бор умиди 3-турга қолган. Гуруҳдаги охирги ўйинни кореяликлар 31 май куни Аргентинага қарши ўтказишади. Лекин Японияни ҳам гуруҳдан чиқди дейишга ҳали эрта. Бугун бўлиб ўтадиган Италияга қарши баҳс ҳаммасига ойдинлик киритади. Дарвоқе, мазкур учрашув бизнинг вақт билан 21:00да бошланади.