U-20 жаҳон чемпионати. Жамоалар сони қисқармоқда

Умуман олганда мухлислар ташрифи камлигини айтмаганда, Польшада бўлиб ўтаётган U-20 жаҳон чемпионати жуда қизиқ бўляпти. 1/8 финал босқичидан бошлаб кутилмаган натижалар авж олди. 

Нимчорак финалнинг биринчи кунида сенсация қайд этилмади. Кутилганидек Колумбия ва Италия ёшлар термаси ғалабага эришиб, кейинги чорак финалга йўл олди. Иккинчи кун гуруҳ баҳсларини юқори нотада ўтказган Уругвай Эквадорга мағлуб бўлган ҳолда хайёрлашди. Украина Панамани мусобақадан чиқариб юборган бўлса, африкаликлар баҳсида Сенегал Нигериядан устун келди. 

Кеча ҳар учала баҳсда сенсация рўй берди. Мусобақа фаворитларидан бири Аргентина ўзидан кучсиз кўринган Малига пенальтилар сериясида имкониятни бой берди. 2013 йил Туркияда ўтказилган кичик мундиал ғолиби Франция АҚШга мағлуб бўлди. Япония эса Жанубий Корея тўсиғидан ўта олмади. 

1/8 финал натижалари: 

2 июнь. Колумбия - Янги Зеландия 1:1 (5:4)

2 июнь. Италия - Польша 1:0 

3 июнь. Украина - Панама 4:1

3 июнь. Уругвай - Эквадор 1:3

3 июнь. Сенегал - Нигерия 2:1

4 июнь. Аргентина - Мали 2:2 (4:5) 

4 июнь. Франция - АҚШ 2:3

4 июнь. Япония - Жанубий Корея 0:1

7 июнь куни мусобақанинг чорак финал учрашувлари бошланади. Бу шундай жаҳон чемпионатики, ким ғолиб чиқишининг таваккал айтиш ҳам қийин бўляпти.

1/4 финал ўйинлари: 

7 июнь. Колумбия - Украина

7 июнь. Италия - Мали

8 июнь. АҚШ - Эквадор 

8 июнь. Жанубий Корея - Сенегал