UZ

Сўнгги янгиликлар

12:16ОЧЛ-2. "Аркадағ" - "Андижон" учрашувини сингапурлик ҳакам бошқаради  4 11:47U-23 Осиё Кубоги саралаш босқичи. Қирғизистон билан дуранг ўйнаган Ўзбекистоннинг гуруҳида вазият қандай?  11 11:20Ислом Исмоилов Канада билан ўйиндан сўнг: "Пенальтилар серияси доим режамизда бўлади"  1 10:45Саудия клублари Ҳарри Магуайрга қанча маош таклиф қилгани маълум  1 10:09Вильям Салиба қанча муддатга сафдан чиққани маълум  2 09:30Here we go! Онана "Манчестер Юнайтед"ни тарк этмоқда  17 08:58"Ал Аҳли" Франция U-21 аъзосини 25 миллион еврога сотиб олди  2 08:17Роналду Мессидан ўтиб кетди  21 07:50ЖЧ-2026 саралаши. Португалия Арманистон устидан 5:0 ҳисобида ғалаба қозонди, Англия Андоррани енгди, Сербия эса Латвиядан устун келди  6 07:35Дембеленинг жароҳати жиддий бўлиб чиқди. Унинг қанча муддатга сафдан чиққани эълон қилинди  5 23:05Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  15 22:31Данни Блинд "Аякс"ни тарк этади  1 22:02Расман: "Барселона" собиқ футболчиси Ашурматов ва Машариповнинг жамоадошига айланди  4 21:22U-23 Осиё Кубоги саралаш босқичи. Ўзбекистон Қирғизистон билан дуранг ўйнади  79 21:09Суперлига 21-тур ҳакамлари расмийлари маълум. Марказий тўқнашувни ким бошқаради?  4

U-17 жаҳон чемпионати. Ўзбекистоннинг гуруҳдан чиқиш имконияти қандай? Янгиликлар

U-17 жаҳон чемпионати. Ўзбекистоннинг гуруҳдан чиқиш имконияти қандай?

Хабарингиз бор, 15 сентябрь куни 17 ёшгача бўлган футболчилар ўртасидаги жаҳон чемпионатининг гуруҳ босқичига қуръа ташланди.

Жамолиддин Раҳматуллаев мураббийлигидаги Ўзбекистон ўсмирлар терма жамоаси "Б" гуруҳида Испания, Мали ва Канада терма жамоаларига қарши майдонга тушади.

24 та терма жамоа 6 гуруҳга бўлинган ҳолда беллашадиган мусобақада 1 ва 2-ўрин соҳиблари тўғридан-тўғри нимчорак финал йўлланмасини қўлга киритади. Шу билан бирга, энг яхши натижа қайд этган тўртта 3-ўрин эгаси ҳам кейинги босқичга йўл олади.

Эслатиб ўтамиз, Ўзбекистон ўсмирлар терма жамоаси Осиё кубогида ярим финалга қадар етиб бориб, мундиал чиптасини қўлга киритганди. Ҳамюртларимиз ушбу босқичда Жанубий Кореяга имкониятни бой бериб қўйганди.

ИСПАНИЯ

Испания ҳам Европа чемпионатининг ярим финалида юришини тўхтатган бўлса-да, мундиал билетига эга чиққан. "Қизил фурия" гуруҳ босқичида Италия (2:1), Словения (3:1) ва Сербия (1:1) билан куч синашиб, пешқадам сифатида чорак финалга чиқди. Ушбу босқичда эса Ирландия 3:0 ҳисобида мағлуб этилди. Ярим финалда испанлар Франция (1:3)га ютқазиб қўйди.

Испаниялик икки нафар футболчи — Марк Гуйу ва Ламин Ямал 4 та гол билан тўпурарлар қаторидан ўрин олди.

Мамлакат ўсмирлари жаҳон чемпионатида 9 маротаба иштирок этган. Энг яхши натижа кумуш медаль ҳисобланади. "Қизил фурия" нақ 4 маротаба ҳал қилувчи баҳсда имкониятни бой берган.

Серхио Сантамария (1997) ва Сеск Фабрегас (2003) мусобақанинг энг яхши футболчилари деб топилган бўлса, Дэвид Родригес Фрайле (1997), Сеск Фабрегас (2003) ва Борха Бастон (2009) турнирнинг "Олтин бутса"си билан тақдирланган.

Жамоа таркибини, асосан, маҳаллий чемпионатда ўйнайдиган футболчилар ташкил этади. Жумладан, сўнгги йиғинларда энг кўп футболчи "Барселона" клубидан жалб этилган.

Жамоа лидери Ламин Ямал ҳисобланади. У яқинда миллий терма жамоа сафида Евро-2024 саралаши доирасида Грузияга қарши ўйинда рақиб дарвозасини ишғол қилиб, миллий терма жамоа сафида гол урган энг ёш футболчига айланди.

Шунингдек, Пау Кубарси, Пау Прим, Марк Гуйу (барчаси — Барселона), Роберто Мартин, Юси (иккласи ҳам — Реал Мадрид), Хорхе Ражадо (Атлетико Мадрид), Рауль Хименес (Валенсия), Виктор Морено (Вильярреал), Дэвид Мелла (Депортиво) каби футболчилар ҳам таниқли ҳисобланади.

МАЛИ

Мали Африка Миллатлар кубогида 4-ўринни эгаллаган ҳолда Индонезияга ташриф буюради. Африкаликлар Жазоирда ўтказилган қитъа турнирининг гуруҳ босқичида Буркина-Фасо (1:0) ва Камерун (2:0) терма жамоаларини мағлуб этиб, чорак финалга йўл олди. Ушбу босқичда эса улар Конгони 3:0 ҳисобида таслим этди. "Бургутлар" ярим финалда Марокаш билан 0:0 ҳисобида дуранг ўйнади, бироқ пенальтилар сериясида (5:6) омадсизликка учради. Учинчи ўрин учун кечган баҳсда эса Буркина-Фасога ютқазди (1:2). Секу Коне (ярим ҳимоячи) ва Мамаду Думбия (ҳужумчи) турнирнинг рамзий терма жамоасидан ўрин олган. Шунингдек, Думбия 4 та гол билан тўпурарлар рейтингида иккинчи бўлган.

Мали беш маротаба жаҳон чемпионатида иштирок этган ҳамда 2015 йил финалга қадар етиб борган. Охирги иштирокида эса 4-ўринни эгаллаган (2017).

Жамоа таркибини, асосан, маҳаллий чемпионатда тўп тепадиган футболчилар ташкил этади. 

КАНАДА

Канада ҳам CONCACAF турниридаги иштирокини рақиблари сингари ярим финалда якунлаган ҳолда кичик мундиалда иштирок этиш ҳуқуқини қўлга киритди. Гуруҳ босқичида Тринидад ва Тобаго (3:2), Барбадос (2:0) ва АҚШ (0:1) билан тўқнаш келган "қизиллар" нимчорак финалда Гаити, чорак финалда эса Пуерто-Рикони йирик — 3:0 ҳисобларида таслим этади. Бироқ ярим финалда яна АҚШ (0:2)га имкониятни бой бериб қўйди. Лазар Стефанович (ҳимоячи) турнирнинг рамзий терма жамоасидан ўрин эгаллади.

Мамлакат ўсмирлари шу пайтга қадар етти маротаба мундиалда иштирок этиб, бирор маротаба гуруҳ босқичидан нарига ўта олмаган, жамоа ҳатто ғалаба нималигини билмай келмоқда.

Канада жаҳон чемпионатига ташрифидан аввал Бразилия билан иккита ўртоқлик учрашувида майдонга тушади. 

Жамоа таркибининг катта қисмини маҳаллий чемпионатда тўп тепадиган футболчилар ташкил этади. Жумладан, "Торонто" ва "Монтреал" академиялари кўпгина ўйинчиларни терма жамоага етказиб берган. Шунингдек, АҚШ, Португалия, Испания, Франция, Германия, Польша чемпионатларида ўйнайдиган легионерлар мавжуд.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика