UZ

Сўнгги янгиликлар

03:15Равшан Эрматов билан дуч келган мундиалда майдонга тушиш учун пул тўлаган, "Атлетико Мадрид" либосини кийган ҳамда Арманистонда рекордлар қайд этган "Насаф"нинг янги легионери билан яқиндан танишамиз   0 00:40"Барселона" бош мураббийи Флик: "Рэшфордни кўп йиллардан бери кузатиб келаяпман"  2 00:16Куртуа фаолиятини якунлагандан сўнг пойгаларда қатнашиш истагини билдирди  1 00:07Ўзбекистонда трансфер ойнаси расман ёпилди  4 23:46"Ал Насср" ўртоқлик ўйинида "Тулуза"ни мағлубиятга учратди. Феликсдан дебют, Роналдудан гол  3 23:27"Ман Юнайтед" "Ман Сити"га керак бўлмай қолган дарвозабонга қизиқмоқда  3 22:59Гёкереш: "АПЛ – дунёдаги энг яхши лига. Бу ерда ўйнашни доим орзу қилганман"  0 22:35Месси МЛСда ой ўйинчиси деб топилди  31 22:07Расман: "Қўқон-1912" Клейди Даци ва Аброр Каримовни ўз сафига қўшиб олди  1 21:23"Ливерпуль" яна бир супер трансферни ҳал қилишга яқин  4 20:51Расман: "Қўқон-1912" яна икки нафар футболчини ўз сафига қўшиб олди  0 20:38Расман: Маҳмуд Маҳамаджонов мавсумнинг иккинчи қисмини "Динамо"да ўтказади  1 20:25Расман: Аббосбек Файзуллаев - "Истанбул Башакшехир" футболчиси!  15 20:06Ўртоқлик ўйни. "Ливерпуль" японларни мағлуб этди  5 19:55Футзал. ОКМК икки нафар бразилиялик футзалчилар билан шартнома имзолади  2

Туркиянинг энг итальянча жамоаси ҳақида Янгиликлар

Туркиянинг энг итальянча жамоаси ҳақида

"Фатиҳ Карагумрук" – Туркиянинг энг итальянча жамоаси ҳисобланади. Нега, биласизми?

Клуб президенти Сулаймон Хумра А Серияни яхши кўради, шу сабабли ҳозирда Суперлиганинг ўртамиёна жамоаси (30 турдан кейин саккизинчи ўрин) таркибида Италияда тўп тепган етти футболчи бор: Лукас Биглия, Фабио Борини, Эмилиано Вивиано, Андреа Бертолаччи, Лукас Кастро, Эрвин Зуканович ва Кристобаль Хоркера. Бироқ бу ҳам ҳали ҳаммаси эмас — энди "Карагумрук"нинг мураббийи ҳам италиялик.

Франческо Фариоли апрелда 32 ёшни қарши олади, у Европанинг энг ёш мураббийларидан бири ҳисобланади. Фариоли фаолиятида илк бор бош мураббий сифатида ишлайди — мавсумни Франческо "Аланьяспор" бош мураббийи ёрдамчиси сифатида бошлаганди. Бунгача у уч йил давомида "Беневенто" ва "Сассуоло"да Роберто Де Зерби штабида дарвозабонлар билан ишлаган. Ундан аввал Қатарда, ўша машҳур "Aspire Academy"да таҳлилчи бўлиб фаолият юритган. Бир неча йил давомида шахсий сайт/блогини юритган. У ерга Фариоли тактикага оид матн ва видеоларни юклаб борарди.

Фариоли Де Зерби билан "Луккезе"да дарвозабонлар мураббийи бўлиб ишлаётганда танишиб қолади. "Луккезе" ўшанда "Фоджа" (Де Зерби мураббий бўлган) билан ўйин ўтказган ва Фариоли рақибнинг ҳаракатлари таҳлилини ўзининг блогига жойлайди. Материал Робертогача етиб боради ва улар суҳбатлашиб турадиган бўлишади. 27 ёшида Франческо А Серияда пайдо бўлади — Де Зерби уни "Беневенто"га чақиради. Шу ўринда қизиқ бир фактни айтиб ўтиш лозим: Фариоли — "Беневенто" посбони Альберто Бриньолига "Милан" дарвозасига ўша машҳур голни уришда ёрдам берган.

"Илк машғулотлардан бирида шундай машқ бўлган — дарвозабон тўпни боши билан ўйнаши ва тўғрисидаги дарвозани аниқ нишонга олиши талаб қилинарди. Бриньолига бу машқ ёқмасди, у шунчаки унда маъно кўрмасди ва вақтни бекорга ўтказиш деб ҳисобларди. Ўша голидан кейин Бриньоли тўғри менинг олдимга югуриб келди, мен ундан: "Кўрдингми, ўша машқ нега керак бўлганини?!", — деб сўрадим.

Де Зерби биринчи учрашувданоқ Франческо Фариоли кучли таҳлилчи эканлигини сезганини таъкидлайди ва уни катта муваффақиятлар кутаётганини тахмин қилади. 

Кўрамиз, Фариоли бу тахминларни амалга ошира олармикан?! Лекин нима бўлганда ҳам ёш бўлишига қарамай, улкан тажрибага эга бўлган Фариоли фаолият зинапоясидан секин-аста кўтарилаётганини сезиш мумкин. "Фотиҳ Карагумрук" клуби эса италиялик мутахассис учун идеал жамоа, Италия футболига бефарқ бўлмаганлар даврасида қахрамонимиз янада тезроқ ўсиши, ривожланиши ва ким билади дейсиз, яқин келажакда ТОП-5 чемпионатларидан бирида пайдо бўлиши ҳам мумкиндир...


Нозима Зарипова хориж сайтлари асосида тайёрлади  

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика