Туркия Суперлигаси. Алли илк голини урган ўйинда “Бешиктош” сафарда иродали ғалабага эришди (+жадвал)

Ўйинда ҳисобни мезбонлар грузиялик легионер Гиорги Беридзенинг голи эвазига очишди. Кейин эса меҳмонлардан Жексон Мулека ҳамда Деле Алли ўз номини таблога ёздирди. Сўнгра, Баридзенинг ўзи дублга эришиб, мувозанатни тиклади. Аммо 2-тайм ўрталарида Жорж-Кевин Н'Куду рақиб дарвозасига белгиланган пеналтини аниқ амалга ошириб, “Бешиктош”га уч очко келтирди.

“Эвертон”дан турк клубига ижарага ўтган Алли 2-ўйинида дастлабки голини уришга эришди.

Мазкур ғалабадан кейин Валерьен Исмаэль шогирдлари ҳисобидаги очколар сони 13 тага етди ва улар турнир пешқадамига айланди.