Деле Алли: "Болалигим жуда оғир ўтган"
13 июл 2023 16:55
Янгиликлар

Деле Алли: "Болалигим жуда оғир ўтган"

Айни пайтда "Эвертон"да ўйнаётган Деле Алли Гари Невиллнинг YouTube'даги The Overlap каналига берган интервьюсида ўзининг оғир болалиги ҳақида гапирди.

"Болалигим жуда оғир ўтган. 6 ёшимда онамнинг дўсти томонидан жинсий зўравонликка дуч келганман. Кейин мени интизомли бўлишим учун Африкага юборишган. 7 ёшимда чекишни бошладим, 8 ёшимда эса гиёҳванд моддалар билан шуғуллана бошладим. Эркаклардан бири менга полициячилар болаларни тўхтатмаслигини айтди, шунинг учун мен велосипедим остига наркотик яшириб, футбол тўпи билан бирга олиб юрардим. 11 ёшимда қўшни кўчадаги бир одам кўприкда бошимни пастга қаратиб, осиб қўйди ва 12 ёшимда мени бир ажойиб оила боқиб олди".

Бундан ташқари, Деле 2020 йилда футболчилик фаолиятини якунламоқчи бўлганини ва "Бешиктош"дан қайтгач, кўп ичиб, уйқу таблеткаларини қабул қилганини тан олди. Англиялик ҳатто руҳий саломатлик реабилитация марказига мурожаат қилишга мажбур бўлган.

Ҳавола :

Манба : The Overlap

Янгиликларни Телеграмда ўқинг!

Рейтинг: +8