Нукусда “Орол” меҳмони бўлган “Қўқон-1912” жамоаси мезбонлар дарвозасига жавобсиз иккита тўп киритиб, уч очкони қўлга киритди. Учрашувдан сўнг қўқонликлар бош мураббийи Тохир Копадзенинг ўйин ҳақидаги фикрлари билан қизиқдик.
- Ўйин жуда қизиқарли ўтди, ҳар иккала жамоага ҳам уч очко зарур эди. Сабаби, биз 3-ўрин учун, “Орол” эса турнир жадвалида юқорилаш учун ҳаракат қилмоқда, ўз навбатида ўйин ҳам шунга мос тарзда кескин курашларга бой ўтди.
“Орол” жамоаси футболчилари жуда ҳам ёш экан, бугун уларга омад келмади ва биз уч очкони қўлга киритдик. Лекин, кейинги ўйинда уларга омад тилаб қоламан.