"Тоттенхэм" хавбеки жамоани тарк этиш сабабини айтди

"Тоттенхэм" ярим ҳимоячиси Танги Ндомбеле жамоани тарк этишига нима сабаб бўлганини тушунтирди.

"Тоттенхэм" билан бизда бошқа ечим топилмади. Конте билан менда бошқа танлов йўқ эди. Мен ўзимни майдонда кўрсатишни хоҳлардим, лекин биринчи кунданоқ менга улар мен билан ҳисоблашмасликларини айтишди", – деди футболчи.

26 ёшли ярим ҳимоячи жорий мавсумни ижара асосида "Наполи"да ўтказмоқда. Неаполликлар футболчини сотиб олиш имкониятига эга.