UZ

Сўнгги янгиликлар

16:00Ўзбекистон терма жамоаси сардори Элдор Шомуродовнинг нархи ошди  0 15:47Коул Палмер қимматбаҳо соат сотиб олди  0 15:21"Бавария" "Барселона" хавбекига қизиқиш билдирмоқда  0 14:53"Насаф" – "Навбаҳор" учрашувида пенальти бормиди? Суперлиганинг 12-туридаги ҳакамлик фаолияти таҳлили  5 14:27"Наполи" Луккани Лукакуга ўринбосар сифатида кўрмоқда  1 13:58Ҳожимат Эркинов: "Машинани акамга совға қилдим, чунки футболга кириб келишимда уларнинг ҳиссалари катта"  3 13:32Бэйл Англия клуби эгаларидан бирига айланиши мумкин  0 13:05Уч нафар ўзбекистонлик футболчи Англия клубида кўрикдан ўтиш учун жўнаб кетди  12 12:39"Реал" Браим Диаснинг келажаги борасида бир қарорга келди  2 12:13Суперлига 13-тур ўйинларига ҳакамлар тайинланди  1 11:54Ўзбекистон Кубоги 1/8 финалида ишлайдиган расмийлар маълум  3 11:33"Атлетико" футболчиси КЖЧ ташкилотчилигидан норози  8 11:05Ямаль ва францияликлар: Европанинг 2025 йилдаги энг креатив футболчилари  3 10:42Неймарнинг келажаги маълум  2 10:10“Ал Ҳилол“ Осимхенга сўнгги даҳшатли таклифни юборди  3

Тимур Кападзе: "Ривожланишни истасак ётишимиз эмас, футбол ўйнашимиз керак" Янгиликлар

Тимур Кападзе: "Ривожланишни истасак ётишимиз эмас, футбол ўйнашимиз керак"

Про лиганинг учинчи туридан ўрин олган "Олимпик" - "Бухоро" (0:2) учрашувидан сўнг мезбонлар бош мураббийи Тимур Кападзе фикрларини билдириб ўтди.

 "Қийин ўйин бўлди.  "Бухоро" кучли рақиб эканлигини билган ҳолда тайёргарлик кўргандик. Уларнинг иккинчи рақам остида ўйнаши кутилмаган ҳолат бўлди, дея оламан. Чунки қарши ҳужумга таянган ҳолда ўйин ташкил қилишди. Тезкор гол уришганидан сўнг ҳимояда ўз имкониятларини кутишди. Шунга қарамай йигитлар яхши ҳаракат қилишди. Тўғри хатолар ҳам кузатилди. Футболчилар илк бор бундай вазиятга тушишмоқда. Буни тушунса бўлади. Рақиб жисмоний жиҳатдан кучли экан. Яккакурашларда устун келишди. Жамоамизнинг ёш футболчилари ҳали ўзини кўрсата олади. Умуман олганда бу улар учун катта мактаб бўлди. Кўрган бўлсангиз, биринчи бўлимда 2-3та яққол голли вазиятлар юзага келтирдик. 

Танаффусда керакли кўрсатмаларни берилди. Шошилмасликни, кутиш кераклигини айтиб ўтдик. Сўнгги дақиқаларда таваккал қилиб ҳужум уюштирдик. Лекин қарши ҳужумда иккинчи гол дарвозамиздан ўрин олди. Менимча рақибнинг режаси иш берди. Зич ҳимояда ўйнаганига қарамасдан футболчиларим комбинацияларда яхши ҳаракат қилишди. Ҳар бир ўйин бизга хатоларимизни кўриб олиш имконини беради",- дейди Кападзе. 

- Иккинчи бўлим бошида футболчилардаги тезлик ва иштиёқ бўлим ўрталаридан сўнг йўқолиб қолгандек бўлди... 

- Рақиб зич ҳимояланди. Бундай вазиятда тезрок ўйнаш керак. Йигитлар ёшлик қилиб тўпни кўпроқ ўзида ушлаб кўп куч йўқотишди. Бундан тўғри хулоса чиқарамиз. 

- Сўнгги пайтларда ҳакамларга нисбатан эътирозлар кўпаймоқда. Эътиборли томони улар ўйинни натижасига ҳам таъсир қилишмоқда...

- Буни оддий мураббий, собиқ футболчи ва инсон сифатида қабул қиламан. Ҳамма хато қилади. Лекин хато атайлаб қилиндими ёки инсонийлик факторими. Шунга аниқлик киритиш керак. Бугун ҳакамлар кўп хато қилишди. Айниқса пенальти белгиланиши керак бўлган вазиятда. У ерда 11 метрлик нуқта белгиланиши керак эди. Ҳакам ҳам тўғри позицияда турганди. У атайин шундай қилдими ёки кўра олмадими унинг виждонига ҳавола. Менимча пенальти бергиси келмади. Бошқа курашларда ҳам чаладиган вазиятда чалмади. 

- "Бухоро" футболчиларининг ўйинни чўзиши бугунги учрашувга қай даражада таъсир қилди? Сизнингча бу тўғрими?

-  Фикрингизга қўшиламан. Бу хунук ҳолат. Боиси "Бухоро" "Реал"га қарши ўйнамаётган эди. Бу ҳам қайсидир маънода хурсанд қилади, мазкур ҳолат қисқа вақтда рақибларни бизни ҳурмат қилаётганини билдиради. Бизда ўйинда вазиятлар кўп бўлди, тўпни назорат қилдик. Рақиб эса темпни шу тариқа туширишга уринди. Бу ерда ҳакам ҳам рол ўйнайди. У ўйнашга қўйиб беришига боғлиқ. Биз ривожланишни истасак, ётиб олиб ўйинни чўзиш эмас, ўйнашимиз керак. 

Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика