Тимур Кападзе: "Мағлубият, дуранг энди ғалаба қозониш вақти келди"

"Ўйин қийин бўлди, биринчи бўлимда ҳисобни очдик, ҳаммаси яхши кетаётганди. Ҳисоб 1:0 бўлиб турганида тўпни ўзимизда сақлаб туришимиз керак эди. Аммо иккинчи голни уришга уриндик ва қарши ҳужумларни ўтказиб юборавердик. Бурчак тўпидан сўнг рикошет туфайли гол қўйиб юбордик. Уларга эса бу керак эди. Иккинчи бўлимда "Фулад" фақат қарши ҳужумда ўйнади. Вазиятлар яратдик, аммо иккинчи голни уролмадик. Рақиб посбони ҳам яхши ўйнади.

Гуруҳ босқичи энди бошланди. Уларда мавсумнинг ўртаси, бизда эса мавсум энди бошланмоқда. Кейинги ўйинларда янада яхшироқ ўйнаймиз. Ўтган тур ютқазгандик, бугун дуранг бўлди, худо хоҳласа кейинги ўйинда ғалаба қозонамиз", - дейди Тимур Кападзе.