Терма жамоамизнинг кечаги кун машғулотларидан фотомақола

Шарқий Осиёда тўп тепаётган легионерларимиз аллақачон МТЖ машғулотига қўшилганлар. Шунингдек, БААдан Азиз Ҳайдаров ва Эрон про лигасида тўп тепаётган Фозил Мусаев ҳам йиғиндаги иштирокини бошлаб юборган.

Соат 16:00да "ЖАР" стадионида бошланган машғулотлар одатдагисидан фарқ қилмади. Аввалига Андрей Шипилов футболчиларни "қиздириб" берди. Кейин Бабаян ва Ҳайдаров тактик машғулотларни ўтказдилар. Одатдагидек, Анвар Рашидов уч нафар посбонимиз билан ишлади.

Анзур Исмоилов ва Егор Кримецда кичик жароҳат борлиги учун якка тартибда югуриш билан чекландилар. Афтидан Анзур Хитойдаги ўзгаришлар билан ўртоқлашяпти.

Деян Журжевич илмий гуруҳ раҳбари Григорий Колосовский билан.

Бикмаев сўнгги ойни яхши ўтказди. КХДРга қарши ўйинда ҳам уни асосий таркибда кўрадиганга ўхшаяпмиз.

Сервер Жепаров эса "Келажак Юлдузлари-2015" фестивалининг энг яхши ярим ҳимоячисига ўз футболкасини совға қилишини айтиб ўтди.

Нодирхўжа Юлдашев