UZ

Сўнгги янгиликлар

02:57Ла Лига. "Барселона" "Сельта"га қарши ўйинда сўнгги дақиқаларда иккита гол ўтказиб, ғалабани қўлдан чиқарди  91 02:06"Челси" 100 миллионлик форвардни харид қилмоқчи?!  2 00:29А Серия. "Милан" ва "Ювентус" ўртасидаги ўйин нурсиз дуранг билан якунланди  9 00:26АПЛ. "Манчестер Сити" ўз уйида "Тоттенхэм"га йирик ҳисобда таслим бўлди  26 23:11Битта гол урилган Тошкентдаги "Олимпик" — "Бунёдкор" ўйинидан ФОТОГАЛЕРЕЯ  0 23:00Франция чемпионати. "Ланс" Ҳусановсиз ўз уйида "Марсель"дан учта тўп ўтказиб, мағлуб бўлди  7 22:49Моуринью "Реал" собиқ ўйинчисини нишонга олди  2 22:11АПЛ. "Арсенал"дан йирик ғалаба, лондонликларнинг сўнгги голини ўтган йили Ўзбекистонга қарши баҳсда ҳаракат қилган 17 ёшли ўйинчи урди  9 22:06Бундеслига. "Байер" 0:2ни 5:2 қилди, "Боруссия Дортмунд"дан жавобсиз 4та тўп, "Хоффенхайм" — "Лейпциг" ўйинида 7та гол  0 22:00Суперлига. Экстра-тайм: жорий мавсум узоқ давом этган ўйинлар  0 20:57А Серия. "Интер" "Верона"га қарши ўйин тақдирини биринчи бўлимнинг ўзида ҳал қилди  0 20:40Вадим Абрамов: "Барча голларни қарши ҳужумлар туфайли ўтказиб юбордик, ўйин учун режамиз умуман бошқача эди"  3 20:27Александр Хомяков: "Раҳбарият янги мутахассис излаётган экан, демак улар мендан мамнун эмас"  8 19:44"Арсенал" - "Ноттингем Форест". Таркиблар билан танишинг  0 19:35"Челси" ғалаба қозонди ва жадвалда 3-ўринга чиқиб олди  2

Темурхўжа Абдухолиқов. "Андижон", Ҳамза Каримов ва мухлислар ҳақида... Янгиликлар

Темурхўжа Абдухолиқов. "Андижон", Ҳамза Каримов ва мухлислар ҳақида...

Бугун "СА" меҳмони бўлган Темурхўжа Абдухолиқов ўзининг келажак режалари ва якунига етган мавсум борасидаги фикрлари билан ўртоқлашди.
Фурсатдан фойдаланиб, ҳужумчига сайт ўқувчилари ҳам ўзларининг қизиқтирган саволлари билан мурожаат қилишди.

Muxiddinov:
- Сизнингча Ўзбекистон чемпионатида мухлислар сони нима учун тушиб кетди?

-  Аввало ўйинга бўлган қизиқиш йўқолиб кетяпти. Ундан кейин водий жамоаларининг ўйини чиқмаётгани сабаб бўляпти. Сабаби олий лига томошабинларининг кўрсаткичи водий орқали ўсишга эришарди. “Андижон”нинг олий лигадан чиқиб кетгани, “Навбаҳор”нинг аутсайдерлар қаторига тушиб қолиши ҳам бунга сабаб. Яна бир нарсани ўзим футболчи сифатида тан оламан, чемпионатимизда мухлис томоша қиладиган футболчи қолмади.

Manchester.Utd:
- Ёшни ўзгартириш ҳамма ерда бор. Сизга ҳам шундай таклиф бўлганми?

- Бундай таклиф бўлган.  Аммо виждонан қарши чиққанман.
П.С: Бу ҳақда интервьюда батафсил маълумотга эга бўласиз.

Umid:
- "Пахтакор"нинг кўплаб ёш футболчилари терма жамоаларимизда тўп тепадилар. Мусобақалардан сўнг уларга скаутлар "чиқишади". Кейин эса жим бўлиб кетишади. Эшитишимизча, клуб раҳбарияти бешта бармоғини "оғзига тиқади". Шу гаплар ростми?

- Аввало яхши ўйинчи учун жамоа пул аямайди. Беш бармоғини оғзига тиқишига қўшилмайман. Ўз устида ишлаган футболчи исътедодли бўлса уни ҳар қандай вазиятда ҳам олиб кетишади. Сиз назарда тутаётган савиядаги футболчилар уларнинг ўзида етарлича топилади. Европада жамоалар ҳақиқатдан ҳам кучли бўлган ўйинчини сафига чорлайди. Кейинчалик жим бўлиб кетишининг сабаби ҳам бор. Европа битта мусобақадан келиб чиқиб трансферга қўл урмайди. Футболчини 2-3 йил кузатади. Бу пайтда эса бизникилар ўсишдан тўхтаб қолишяпти.

FCNASAF:
- Қаршида бўлиб ўтган ўйиннинг танаффусида нима бўлганди?

- “Насаф” билан ўйинда танаффусга чиқиб кетаётганда Ҳамза Каримов иккимиз қизишиб кетдик. Менда ҳам айб бор. Аввало бу вазият учун Ҳамза ака ва мухлислардан узр сўрайман. Бундай бўлишини истамагандик. Лекин бир нарсага ойдинлик киритиб ўтай, биз гаплашиб турганимизда икки жамоа футболчилари уришяпмиз деб ўйлаб ўзарор уришиб кетдилар. Аслида эса Ҳамза ака билан гап талашаётгандик. Бўлиб ўтган ишлар учун икки жамоа мухлисларидан яна бир бор узр сўрайман.

Al.Amin:
- Салом, Темурхўжа! Сиз андижонликсиз, агар "Андижон" жамоасидан таклиф тушса, уни қабул қилармидингиз?

- Аслида футболчи ўз олдига юксак мақсадларни қўйган жамоаларда тўп тепгиси келади. Аслида ҳам шундай бўлиши керак. Андижонликларни бу йил олий лигага қайтгани билан табриклайман. Юқорида такидлаб ўтганимдек, ўзбек футболида водийнинг ўрни катта. Ҳеч қачон, ҳеч қачон дема атамаси бор, балки.... Ўзим асли тошкентликман.

@Yahyojon:
- Қайси ярим ҳимоячиларга ҳавас қиласиз?

- Ўзбекистон чемпионатида тўп тепаётганлардан Лутфулла Тўраев, легионерлардан эса Одил Аҳмедов. Хориж футболида Зиданга ишқибозлик қилардим. Роналду ва Месси каби футболчиларнинг ўйинига барчамиз ҳавас қилсак керак.

Аксар саволлар жума куни чиқадиган интервью жараёнида берилганлиги боис юқорида танланган саволларга жавоблар кўрсатилган.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика