UZ

Сўнгги янгиликлар

10:28“Ал Насср“нинг асосий трансфер мақсади маълум  0 09:35Суперкомпьютер 2025 йилги клублар ўртасидаги жаҳон чемпионати ғолибини башорат қилди  6 09:04“Тоттенхем“ янги бош мураббийи билан маош ва шартнома шартлари борасида келишиб олди — Романо  1 08:32“Барселона“ футболчиси “Атлетико“ билан шартнома имзолади  0 08:00CAFA U-20 Championship 2025. Терма жамоамизнинг гуруҳдаги рақиблари маълум  3 07:26ЖЧ-2026 саралаш. Мундиал йўлланмасини ҳал қилган терма жамоамиз бугун Қатарни меҳмон қилади  12 01:53ЖЧ-2026 саралаши. Италия, Норвегия, Хорватия ва Бельгияда ғалаба  1 01:20Абдуқодир Ҳусановнинг Англиядаги мураббийи Манчестер университетининг фахрий докторлик унвонига сазовор бўлди  5 00:37"Манчестер Юнайтед" Виктор Дьокерешни сотиб олиш устида фаол ишламоқда  8 23:50"Ал Ҳилол" Нуньес вакиллари билан боғланди. "Ливерпуль" ҳужумчиси таклифга рози  1 23:24Польша терма жамоаси ўйинчилари Левандовскининг сардорлик боғичи олиб қўйилганини "нишонлашди"  11 22:32ЖЧ-2026 саралаши. Қозоғистон ўз уйида мағлуб бўлди  40 22:21Расман: "Манчестер Сити" 40 млн. еврога ҳимоячи сотиб олди  13 22:08Алонсо "Реал"даги илк машғулотини ўтказди  1 21:41Левандовски терма жамоадан кетиши ҳақида: "Мураббий ишончимга хиёнат қилди. Гап ҳатто сардорлик боғичини олиб қўйиш қарорида ҳам эмас, балки бу ҳақда қандай хабар беришганида"  10

Темур Кападзе: Мақсадимиз – кенгайтирилган таркибдаги футболчиларни ҳам кўриб олиш Янгиликлар

Темур Кападзе: Мақсадимиз – кенгайтирилган таркибдаги футболчиларни ҳам кўриб олиш

Хабарингиз бор, шу йилнинг октябрь ойида юртимизда U-19 Осиё чемпионати финал босқичи бўлиб ўтади.

Унда иштирок этадиган Темур Кападзе бошчилигидаги ёшлар терма жамоамиз қизғин тайёргарлик ишларини олиб бормоқда.

Бугундан навбатдаги йиғинлар бошланди. Йиғиннинг дастлабки 14 – 18 январь, иккинчиси эса 21 – 25 январь кунлари ўтказилиб, уларда икки хил таркиб жалб этилиши режалаштирилган. Шунда мураббийлар штаби томонидан 44 футболчи кўрикдан ўтказилади.

Йиғинлар доирасида Кападзе шогирдлари тўртта ўртоқлик ўйинида ҳам иштирок этишади. 16 январда “Бунёдкор” ёшлари, 18 январь АГМК U-19, 23 январда “Локомотив” ёшлар таркиби ва 25 январь куни “Пахтакор” жамоаси ёшлари билан учрашувлар ташкил этилиши кўзда тутилган.

Ёшлар терма жамоамиз устози ЎФА расмий сайтига мазкур йиғинлар бўйича фикрларини билдириб ўтди:


– Бугундан янги йиғин бошладик. Декабрь ойида ҳам йиғин ташкил этиб, Саудияда ўтган Осиё чемпионати саралаш баҳсларида иштирок этган футболчиларнинг ҳаракатларини кузатиш, уларга баҳо бериш имконига эга бўлган эдик.

Жамоанинг ўзаги анча шаклланиб улгурган, дейиш мумкин. Бир қатор салоҳияти катта ўйинчиларни ҳозирданоқ айтиб ўтса бўлади. Ўтган йиғиндан кейин 5-6 нафар футболчини январь ойидаги ушбу ўқув-машғулот йиғинларига ҳам жалб этишга қарор қилдик. Қолган барча футболчилар терма жамоа сафига янги чақирилган ўйинчилар. Ушбу кенгайтирилган таркибда бор бўлган футболчиларни ҳам кузатиб, уларниг имкониятларини билиб оламиз.

Қайд этиб ўтишни истардимки, мазкур йиғинимиз 2 қисмдан иборат бўлади. Дастлабки қисм 14-18 январь оралиғида, кейингиси эса 21-25 январь кунлари ўтказилади. Иккала йиғиннинг ҳар бирида 22 нафардан футболчилар иштирок этишади. Йиғин давомида ўртоқлик ўйинлари ҳам ўтказамиз ва барча футболчиларга ўйнаш имконини тақдим этамиз. Шундан кейингина менда ушбу футболчилар хусусида етарлича тасаввур бўлади.

Йиғиндан кўзланган асосий мақсадимиз – кенгайтирилган таркибдан ўрин олган барча футболчиларни кўриб олиш.

Олдимизда турган асосий мусобақага қадар 9 ой вақт қолмоқда. Шу боисдан эндиликда ҳар ой йиғинлар ташкил этамиз ва халқаро ўртоқлик ўйинларида ҳам мунтазам майдонга тушиб борамиз.

Биласизми, биз футболчилар билан доимий алоқада бўлиб турибмиз. Телеграмда ҳам алоҳида гуруҳимиз бор, унда шогирдларим билан онлайн тартибда назарий машғулотлар ҳам ўтказиб турибмиз. Баъзан мен уларга жамоамиз иштирокидаги ўйинлардан видеокесмалар юбораман ва улар ушбу вазиятда аслида қандай ҳаракат қилиши лозим бўлгани ҳақидаги фикрларини билдиришади. Мен шогирдларим ўйинни ўқий олиш, яхши таҳлил қилишни ўзлаштиришларини жуда ҳам истайман. Зеро бу жиҳат ҳозирги кунда замонавий футболнинг ажралмас қисмидир, – деди маҳоратли мураббий.

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика