Тарихда илк бор...

Насаф Карши Marko Stanojevic - 71', Marko Stanojevic - 85'

Лига чемпионов АФК. Группа E . 2-тур 11/04/2022, 23:15 0 : 2 Тугади

Аль-Вехдат

45'

90'

69'  Акмаль Мозговой

71'  Marko Stanojevic

71'  Bakhrom Abdurakhimov

71'  Иван Соловьев (Sukhrob Nurulloev)

71'  Sharof Mukhiddinov (Bakhrom Abdurakhimov)

75'  Хусаин Норчаев (Семир Смайлагич)

85'  Marko Stanojevic

89'  Oybek Bozorov (Murodbek Rakhmatov)

74'  Ahmed Nawaf Sariweh (Anas Hamad)

80'  Munther Abu Amarah (Matias Castro)

80'  Ahmed Samir (Fadi Awad)

Матч-центрда очиш

Қуйида Иордания клуби билан баҳсда пайдо бўлган ва сизнинг эътиборингиздан четда қолган баъзи қизиқарли маълумотлар ҳақида...

Неъматов қайтди

Ўйинни асосий таркибда бошлаган Абдувоҳид Неъматов "Насаф" либосини 7 ойлик танаффусдан кейин илк марта расмий учрашувда кийди. У ўтган йилнинг август ойида йўлиққан оғир жароҳати туфайли узоқ муддат яшил майдоннинг ташқарисида қолиб кетди.

Шунингдек, "Ал Виҳдат" билан ўйин Абдувоҳид учун Чемпионлар Лигасидаги дебютга айланди. У 2021 йилда ОФК кубогида 3 та беллашувда майдонга тушиб, дарвозаси даҳлсизлигини сақлаб қолган эди. Демак, "аждарлар" посбони халқаро ўйинларда ҳозирча гол ўтказгани йўқ.

"Насаф" дарвозаси даҳлсиз қолди

ОЧЛ гуруҳ босқичида 26-марта майдонга чиққан "аждарлар" 7-марта рақибни мағлуб қилишди. Бундан ташқари, қаршиликлар тарихда 6-бор Чемпионлар Лигаси ўйинида нолга ўйнашди. Бунга қадар мазкур бахт Элдорбек Суюновга 3, Санжар Қувватов ҳамда Муроджон Зуҳуровга 1 мартадан насиб қилган эди.

Биринчиси...

"Насаф" ўз тарихида илк бор ОЧЛ ўйинида 2 тўп фарқи билан зафар қучди. Бугунга қадар қўлга киритилган ғалабаларнинг барчасида 2:1 ёки 1:0 ҳисоби қайд этилган эди.

Шунингдек, "аждарлар" 6-бор Чемпионлар Лигасидаги рақиб дарвозасини 90 дақиқада 2 марта ишғол қилишди. "Насаф" ҳозирча ОЧЛнинг бир ўйинида 3 та гол ура олмаган.

Дубль...

Бугунги ғалаба Станоевич томонидан урилган 2 гол эвазига қўлга киритилди. Шу тариқа Марко "Насаф"нинг ОЧЛда дублга эришган 2-футболчисига айланди. Тарихда буни фақат Артур Геворкян уддалаган. Туркманиятонлик футболчи бундан 7 йил олдин "Тракторсози" майдонида Эрон клуби мухлисларини 2 марта ранжитган эди. 

Яхши старт

Энг яхши сигнал шуки, "Насаф" ўз тарихида илк бор мусобақанинг дастлабки 2 турида 4 очко ишлади. Умид қиламизки, "аждарлар"нинг ОЧЛ гуруҳ босқичидаги 5-уриниши омадли чиқиб, плей-офф йўлланмаси нақд қилинади...

Мутолаа учун: Одилга дам, Черанга ёрдам...