"Сурхон” 2020 йилги мавсум олдидан янги бош мураббий ва футболчиларни таништирди

Тадбирда Сурхондарё вилоят ҳокими ўринбосари ва клуб раҳбарияти иштирок этишди.

Учрашув аввалида Сурхондарё вилоят ҳокими ўринбосари Чори Раҳмонович Бегимқулов сўзга чиқиб ўтган мавсум кўнгилдагидек ўтгани жамоа кучли олтиликка киргани бу йил ОЧЛга йўлланма олиши кераклиги ҳақида тўхталди. Бу мавсум вилоят ҳокими футболга катта эътибор қаратиб жамоага ҳар томонлама шароитлар яратиб бераётганлиги, хусусан, жамоанинг уй стадиони бўлмиш “Сурхон” стадионининг ёритиш тизими билан боғлиқ муаммо ҳал этилиб, апрель ойидан бошлаб учрашувлар кечки вақтда бўлиши ҳақида тўхталди.

Тадбирда клуб директори Ҳасан Рўзиев Жамоага бош мураббийи вазифасини бажарувчи этиб Шавкат Абдухўжаев тайинланганлигини эълон қилди ва жамоанинг тайёргарлиги ва янги мавсумдаги режалари ҳақида тўхталди. Шундан сўнг жамоага таклиф этилган футболчиларга жамоа либослари тақдим этилди.

Тадбир давомида "Сурхон" футболклубига келиб қўшилган янги футболчилар кенг оммага таништирилди. Улар "Сурхон" сафида қуйидаги рақамларда тўп тепишади:

11 – Александр Касьян
45 – Акбар Тўраев
8 – Шерзод Каримов
27 – Азиз Ибрагимов
16 – Нуриддин Ҳасанов
7 – Ҳусниддин Ғофуров
32 – Жаҳонгир Меҳмонов
17 – Сардор Сулаймонов
15 – Нурмуҳаммад Номозов
99 – Сарвар Солиев

Асқар Эшмўминов тайёрлади

фото: Собитжон Ходжамқулов