Суперлиганинг энг самарадор ва энг яхши легионерига хориж клубларидан қизиқиш юқори
08 июл 2022 15:55
Янгиликлар

Суперлиганинг энг самарадор ва энг яхши легионерига хориж клубларидан қизиқиш юқори

Теглар : Қизилқум Александар Станисавлевич

Суперлиганинг энг яхши легионерларидан бири бўлиб турган "Қизилқум"нинг сербиялик футболчиси Александар Станисавлевичга ёзги трансфер ойнаси вақтида кўплаб жамоалардан чорловлар бўлмоқда.

Бу ҳақда Сербия нашрлари маълум қилмоқда. Хусусан футболчига Индонезия, Вьетнам, БАА ва Қатар клубларидан қизиқиш юқори. Бироқ Станисавлевич ёзги трансфер ойнасида жамоасини алмаштирмоқчи эмас. Унга Ўзбекистонда фаолият юритиш маъқул келган ва мавсум ўртасида "Қизилқум" жамоасини ташлаб кетмоқчи эмас.

Унинг шартномаси йил охиригача мўлжалланган.

Маълумот учун, Александар Станисавлевич Суперлиганинг биринчи даврасидаги 13та ўйинда 5та гол ва 8та голли узатма, умумий ҳисобда 13та самарали ҳаракатни амалга оширган. Футболчи бу борада Ўзбекистон чемпионатида яққол пешқадамлик қилмоқда.