Суперлига клуби бош мураббийи истеъфога чиқарилди
07 апр 2018 12:25
Янгиликлар

Суперлига клуби бош мураббийи истеъфога чиқарилди

Теглар : Суперлига

Кеча, 6 апрель куни Суперлиганинг 5-туридан ўрин олган баъзи ўйинлар бўлиб ўтди.

Шу куни "Сўғдиёна" Бекободда "Металлург" меҳмони бўлди. Жиззахликлар ушбу ўйинда 0:2 ҳисобида мағлубиятга учрашди.

"Сўғдиёна" матбуот-хизматининг хабар беришича, бугун (7 апрель) клубдан навбатдан ташқари йиғилиш бўлиб ўтган. Унда жиззахликларнинг муваффақиятсиз натижалари муҳокама қилинди ва янги мавсум бошидан бери жамоада ишлаётган мутахассис Александр Мочинов истеъфога чиқарилди.

Бундан ташқари, "Сўғдиёна" баёнотида клубда ҳеч қандай молиявий муаммолар йўқлиги, маошлар ўз вақтида тўлангани ҳамда Мочиновга барча имкониятлар яратиб берилгани, мутахассис эса имкониятлардан фойдалана олмагани айтилган.

Клубнинг янги бош мураббийи тез орада эълон қилинади.

Ҳавола :

Манба : t.me/pfcsogdiana

Янгиликларни Телеграмда ўқинг!

Рейтинг: +52