Суперлига 6-тур. Томошабинлар ташрифи кимда қандай?

Ортда қолган турнинг 7та учрашувини жами 52 475 нафар томошабин бевосита стадионнинг ўзида кузатиб борган.

Бу эса ҳар бир ўйинга ўртача 7 496 нафар мухлис келганини англатади. Ишқибозлар ташрифи бўйича энг яхши кўрсаткич “Бухоро” – “Бунёдкор” учрашувида қайд этилди. Голларга бой тарзда кечган учрашувни “Бухоро” стадионида 15547та мухлис кузатиб борган.

Бу борада аксинча вазият эса Тошкентда қайд этилди. Амалдаги чемпион “Локомотив” ўйинлари томошабинларда негадир катта қизиқиш уйғотмаётгандек туюлмоқда. “Локомотив” – “Қизилқум” учрашувига атига 867 нафар мухлис киргани ҳам фикримизни тасдиқлайди.

“Локомотив” – “Қизилқум” 3:1.
Тошкент. “Локомотив” стадиони. 867 томошабин.

“Сўғдиёна” – “Пахтакор” 1:2.
Жиззах. “Сўғдиёна” стадиони. 3723 томошабин.

“Металлург” – “Қўқон-1912” 3:1.
Бекобод. “Металлург” стадиони. 6220 томошабин

“Сурхон” – “Андижон” 0:0.
Термиз. “Сурхон” стадиони. 6728 томошабин.

“Динамо” – “Навбаҳор” 2:2.
Самарқанд. “Динамо” стадиони. 8147 томошабин.

“Насаф” – АГМК 4:0.
Қарши. “Марказий” стадиони. 11243 томошабин.

“Бухоро” – “Бунёдкор” 2:2.
Бухоро. “Бухоро” стадиони. 15547 томошабин.