"Суонси" собиқ устози аэропортда ишламоқда
23 июн 14:39
Янгиликлар
"Суонси" собиқ устози аэропортда ишламоқда
"Суонси" собиқ бош мураббийи Люк Уильямс футбол клуби томонидан ишдан бўшатилганидан сўнг ҳозирда Бристол аэропортида фаолият олиб бормоқда.
Бу ҳақда "The Sun" хабар тарқатди.
Уильямс Англия чемпионатининг иккинчи кучли дивизионида қатнашаётган жамоа тўққизта ўйиндан еттитасида мағлуб бўлганидан сўнг, февраль ойида "Суонси"ни тарк этганди. У 2024 йилнинг январидан буён жамоани бошқариб келаётганди.
Газета 44 ёшли Уильямснинг Бристол аэропорти ходими кийимидаги суратларини чоп этди. Қайд этилишича, унинг вазифаларига ногиронлиги бўлган шахслар ва ҳаракатланиш имконияти чекланган йўловчиларга ёрдам бериш киради.
Уильямс футболчи сифатида "Норвич" ва "Бристол" жамоаларида ҳаракат қилган. 19 ёшида тиззасидан олган жароҳати туфайли футболчилик фаолиятини якунлаган. У "Суонси"дан олдин "Суиндон Таун" ва "Нотс Каунти"да мураббийлик қилган.
Ўхшаш янгиликлар
championat.asia
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
ЕЧЛ. "Ливерпуль" ўз уйида "Реал Мадрид"ни мағлубиятга учратди
ОЧЛ-2. "Андижон" кетма-кет тўртинчи марта 0:0 ҳисобида дуранг ўйнади
ЕЧЛ. Драматик кечган ўйинда "Барселона" меҳмонда "Брюгге" билан дуранг ўйнади
Фикрлар