Суҳроб Бердиев уйланди!
07 мар 2015 20:10
Янгиликлар

Суҳроб Бердиев уйланди!

“Шўртан” ПФК аъзоси, истеъдодли ва моҳир футболчи Суҳроб Бердиев ҳаётида 2015 йилнинг 6 март куни унутилмас воқеа юз берди.

“Оқ бўрилар” жамоасининг янги вакили шу куни расман бўйдоқлар сафини тарк этди.

Пойтахтимизда жойлашга “Катта Қаъни” тантаналар ўтказиладиган муҳташам ресторанида бўлиб ўтган никоҳ кечасига ушбу тўй сабабчилари – Суҳробжон ва унинг гўзал рафиқасини қутлаш учун ташриф буюрган азиз меҳмонлар сафида мамлакатимиз спорти, шу жумладан футбол олами вакиллари ҳам бор эди. Албатта, булар қаторида “Шўртан” жамоасининг раҳбарияти, мураббийлари ва футболчилари бўлганлиги тўй кечасига ўзгача бир яхши кайфият тақдим этди.

Биз ўз навбатида “Оқ бўрилар” жамоасининг раҳбарлари, мураббийлари, футболчилари ва кўп минг сонли мухлислари номидан ёш Бердиевлар оиласига бахт, соғлик-саломатлик, тинчлик-тотувлик, Оллоҳ насиб этиб туғиладиган фарзанларига комиллик тилаб қоламиз!

Ҳавола :

Манба : fcshurtan.uz

Янгиликларни Телеграмда ўқинг!

Рейтинг: