Сречко Катанец: "Мақсадимиз томошабоп ўйин эмас, ЖЧга чиқиш"

- Ўйин ҳақида...

- Жалолиддин Машариповнинг фикрларига қўшиламан. Тўғри, бугун яхши ўйин намойиш эта олмаган бўлсак ҳам, ғалаба қозондик. Лекин барча ўйинларда мана шундай ўйнаб бўлса ҳам, ғалаба қозона олсак мен рози бўлардим. Чунки натижа энг муҳими. Мен бу томонлама мамнунман. Биз гол ура олдик ва КХДР эса йўқ. Биз ўзимиз аҳмоқона пенальти олиб келдик ва рақиб бундан унумли фойдалана олмади. КХДР кейинги ўйинларда рақибларга муаммолар туғдиради деб ўйлайман.

- "Бунёдкор" стадиони майсаси ҳозирда аянчли аҳволда. Жамоа ўйинига бу таъсир қилдими? Октябрда яна иккита ўйинимиз бор. Сизни майдон ҳолати ташвишга солмаяптими?

- Албатта майдон ҳолати яхши эмас. Лекин бизнинг асосий муаммо - футболчиларнинг жисмоний ҳолати бўлди. Футболчилар душанба куни жамоамизга қўшилишди. КХДР эса бир неча ўртоқлик ўйини ҳам ўтказишга улгурди. Улар аскарлардек ҳаракат қилишди. Умид қиламанки, кейинги ўйинларгача ҳали вақт бор ва барчаси жойига тушиб кетади. 

- Бугун гуруҳдаги энг сўнгги саватчадаги жамоага қарши ўйнадик. Кейинги рақиблар эса кучли бўлади. Навбатдаги ўйинларда нима эвазига кучая олишимиз мумкин? 

- Айтиб ўтганимдек, бугун етарлича имкониятларга эга бўлдик. Биз тўрт нафар ҳимоячи билан ўйнаш рақибга етарлича имкониятлар яратиши мумкин эди. Бугун марказдаги ўйинчиларимиз кўпроқ креатив ҳаракат қилишлари талаб этиларди. Шунингдек, қанот футболчиларимиздан ҳам фаоллик талаб қилинарди. Агар булар амалга ошса, бизда барчаси яхши бўлади. 

Бу терма жамоага паст назар билан қараш керак эмас. Улар Японияга минимал ҳисобда мағлуб бўлишди. 

Савол тўғри бўлди. Бизнинг асосий вазифамиз - томошабоп ўйин эмас, ЖЧга чиқиш. Мақсадимиз натижа. Аввалги циклларда Ўзбекистон чиройли ва томошабоп ўйин кўрсатганди. Лекин ЖЧга чиқа олмаган. Бизга жаҳон чемпионати керак.

- Бизнинг бундай ўйинимиз навбатдаги рақиблар учун осон бўлиб қолмайдими? Биз яна нимадир қўша оламизми? 

- Биз иккита машғулот қиламиз. Иккитагина машғулот билан қандай қилиб қўшамиз? Имкони бор деб ўйлайсизми? Биз аввал Қирғизистонни ютишимиз керак. Кейин эса Эрон ва Қатар бор.

- Биз ҳам шундай ўйин бўлса-да, ҳар ўйинда 3 очко олишга розимиз. Лекин якунда тўплар нисбати ҳам аҳамиятга эга бўлиб қолиши мумкин...

- Афсуски кўплаб имкониятлар яратган бўлсак-да, бундан фойдалана олмадик. Агар очколарни максимал тўплай олсак, тўплар нисбати катта аҳамиятга эга бўлмайди.