Ўртоқлик ўйини. "Спартак" "Пахтакор"ни иродали тарзда мағлуб этди

"Спартак" - "Пахтакор" 2:1

Голлар: Крал (30), Зобнин (87) - Черан (7-п).

Ҳакам: Душан Дмитриевич (Сербия).

"Спартак": Максименко, Жиго, Жикия, Айртон, Ешенко, Хендрикс, Крал, Игнатьев, Бакаев, Педро Роча, Понсе.
Захира: Селихов, Кутепов, Маслов, Гапонов, Зобнин, Умяров, Маркитесов, Мозес, Соболев, Ларссон.

"Пахтакор": Суюнов, Алижонов, Азмиддинов, Исмоилов, Йўлдошев, Ҳамробеков, Холматов, Эркинов, Черан, Турғунбоев, Дердийок. 

ЎЙИН ЯКУНЛАНДИ

90. Ҳакам иккинчи бўлимга қўшимча вақт қўшиб бермади.

87. "Спартак" стандарт вазиятдан сўнг тўпни жарима майдончаси ичига оширди. Жарима майдончаси ичидаги чалкашликдан Зобнин фойдаланди ва гол урди.

85. Ўйин якунланишига 5 дақиқа қолди. "Спартак" сўнгги дақиқаларда кўпроқ ҳужум қилмоқда ва ғалабани илиб кетмоқчи.

70. Сўнгги дақиқаларда москваликларнинг хавфли ҳужум ва зарбалари кўпайиб қолди. Аммо, Қувватов ҳозирча яхши ўйин кўрсатмоқда.

59. "Пахтакор" иккинчи бўлимда фаолроқ ҳужумга ўтмоқда.

48. Қайд этиш керакки, икки жамоа ҳам танаффусга кўплаб ўзгаришлар билан чиқди. Айниқса "Спартак" иккинчи таймда буткул бошқача таркиб билан чиққан.

46. "Пахтакор"нинг иккинчи бўлимдаги таркиби: Қувватов, Сайфиев, Исмоилов, Аъзамов, Комилов, Собирхўжаев, Ҳамробеков, Розиев, Темиров, Эркинов, Йўлдошев.

46. Иккинчи бўлимга старт берилди.

45. Биринчи бўлим якунланди.

36. Йўлдошев хато қилди ва Понсе бирга-бир вазиятга чиқиб кетди. Аммо, унинг йўллаган зарбасини "Пахтакор" дарвозабони қайтарди.

30. Алекс Крал узоқ масофадан "Пахтакор" дарвозасини чиройли тарзда ишғол қилди.

29. Холматов рақиб билан тўқнашиб кетди ва жароҳат олган бўлиши мумкин, шифокорлар унга ёрдам кўрсатишмоқда.

28. Хендрикснинг зарбасини Элдор Суюнов бартараф этди.

27. Турғунбоев жарима майдончаси яқинида Понсега қарши қўпол ўйнади, ҳакам эса унга сариқ карточка кўрсатди.

22. Бу сафар Роша тошкентликлар дарвозасини ишғол қилишга уринди, аммо "Пахтакор" посбони бу сафар ҳам ишончли ўйнади.

14. "Спартак" ўйинчиси жарима майдончаси ташқарисидан "Пахтакор" дарвозаси томон хавфли зарба йўллади, Суюновдан сейв!

7. ГООЛ!! Черан 11 метрлик нуқтада адашмади.

6. "Спартак" ҳимоячиси Самуэль Жиго жарима майдончаси ичида Ҳожимат Эркиновни йиқитди. Пенальти!

4. Ҳозирча "Спартак" ўйинни назорат қилишга уринмоқда, "Пахтакор" ўйинчилари эса пасларда хатоларга кўпроқ йўл қўйишмоқда.

1. Ўйин бошланди!

- Жамоалар майдонда.

TAS-IX эмас