"El Nacional"га маълум бўлишича, каталонияликлар "Байер" ҳимоячиси Жонатан Тани эркин агент сифатида қўлга киритгач, ёзда жамоалари билан шартномаси тугайдиган футболчилар бозорида янада фаол бўлишни режалаштирмоқда.
Манбага кўра, "Барселона"нинг шорт-листидан ҳозирда Сон Хён Мин ("Тоттенхэм"), Жошуа Киммих ва Лерой Сане (иккаласи – "Бавария") ўрин олган.
Ханс-Дитер Флик шогирдлари 19 турдан кейин 38 очко билан Испания чемпионати турнир жадвалида учинчи ўринда бормоқда.
"Барселона" 8 январь куни Испания Суперкубоги ярим финалида "Атлетик"ка қарши баҳс олиб боради.
