Солигорскнинг "Шахтёр" клуби бош мураббийи чемпионат тугашига 8 тур қолганида истеъфога чиқди

Бу ҳақда клубнинг "Твиттер"даги расмий саҳифаси хабар бермоқда.

"Юрий Вернидуб оилавий сабабларга туфайли ўз хоҳиши билан лавозимидан кетишга қарор қилди. Клуб мураббийнинг талабини қондиради ва янги мураббий излашга киришади", - дейилади хабарда.

Клубдан шунингдек бош мураббийнинг ёрдамчилари ҳам кетишган - Дмитрий Кара-Мустафа, Александр Ногин, Игорь Фокин ва Валерий Михайленко.

Вернидуб клубга 2019 йилда келганди. Мутахассис бунга қадар Луганскнинг "Заря" клубида ишлаган.

Ҳамюртимиз Жасур Яхшибоев тўп тепадиган "Шахтёр" клуби Беларусь чемпионатида 22та турдан сўнг 43 очко жамғарган ҳолда етакчилик қилмоқда.