"Сўғдиёна" футболчилари: ”Ғалабамизни Мустақиллик байрамига бағишлаймиз”

Ушбу ўйиндан сўнг "Сўғдиёна” футболчилари ўйин ҳақида ўз фикрлари билан ўртоқлашишди.

"Биз жудаям хурсандмиз. Жудаям оғир ўйин бўлди. Рақибнинг бундай ҳужумларини кутмаган эдик. Кўпгина вазиятлардан фойдалана олмадик аммо, муҳими ҳисоб. Бугун “Сўғдиёна” марказий стадионига вақтларини аямай, биз учун мухлислик қилган азиз мухлисларимизга раҳмат айтмоқчимиз. Ишончларингизни оқлашга ҳаракат қилдик. Ғалабамизни Ўзбекистон Республикаси мустақиллигининг 25 йиллигига бағишлаймиз ва шу ўринда сиз мухлисларни ушбу байрам билан чин юракдан муборакбод этамиз. Энг улуғ, энг азиз байрамимиз олдидан бутун Ўзбекистон халқини табриклаймиз! Мустақиллигимиз абадий бўлсин. Халқимизга энг самимий ва яхши тилакларни тилаймиз. Хонадонларингиздан файз ва барака аримасин. Бундай байрамларни кўпини кўриб юрайлик. Биз жамоамиз билан фақат ғалаба билан мухлисларимизни хурсанд қилиш насиб қилсин", - дейишади жамоа аъзолари.

Дилдора Холбоева
Жиззах шахридан махсус