Сколари: "Россияга қарши ўйиндан олдин Роналдуга отасининг ўлими ҳақида хабар бергандим. У эса майдонга тушишни сўраганди"
08 фев 2022 23:59
Янгиликлар

Сколари: "Россияга қарши ўйиндан олдин Роналдуга отасининг ўлими ҳақида хабар бергандим. У эса майдонга тушишни сўраганди"

Теглар : Луис Фелипе Сколари Криштиану Роналду

Португалия терма жамоаси собиқ бош мураббийи Луис Фелипе Сколари Криштиану Роналдунинг отасининг ўлими ҳақида футболчига айнан ўзи хабар берганини эслади.

Бу ҳолат 2006 йилги Жаҳон чемпионати саралаш ўйинлари доирасида, 2005 йил 7 сентябрь куни Россияга қарши ўйин (0:0) олдидан бўлганди.

"Бу жуда қийин бўлганди. Айнан ўша суҳбат ўзаро муносабатларимизни бошқа даражага олиб чиққанди. Бу шунчаки ўйинчи ва мураббий ўртасидаги алоқадан кўра каттароқ нарса эди.
Россияга қарши ўйин олдидан унинг отасининг ўлими ҳақидаги хабарни билганимизда, буни қандай қилиб Криштиануга етказишни ҳеч ким билмасди. Бу хабарни етказишни ҳеч ким хоҳламасди.
Ўшанда буни мен қилишимни, бир неча йиллар олдин ўзим ҳам ота-онамни йўқотганимни жамоага айтдим.
Роналду ўйиндан олдин мендан сўраганди: "Бугун отам учун ҳеч нарса қила олмайман. Шу сабаб ҳам эртага ўйнайман ва кейин жўнаб кетаман".
Бу жужа ғамгин ҳолат эди. Эртаси куни Роналду ажойиб ўйин ўтказди ва шундан сўнг Португалияга жўнаб кетди", -дейди Луис Фелипе Сколари.

Ҳавола :

Манба : Daily Mail

Янгиликларни Телеграмда ўқинг!

Рейтинг: +3