Син Кхо: "Бу мухлислар жанги бўлади"

Бу гаплар, Жанубий Корея нашрларидан бирида фотомухбир сифатида фаолият олиб бораётган ҳамкасбимиз, Син Кхога тегишли. У билан Иордания - Япония терма жамоалари ўртасида бўлиб ўтаётган учрашувда икки оғиз суҳбатлашдик.

"Шуни такидлашим лозим, бизнинг мухлислар ҳам чакки эмас. Сон жиҳатидан бироз устунмиз. Биз доимо японлар билан рақобатлашамиз. Мухлисларимиз ҳам улардан қолишишни исташмайди. Сўнгги йилларда Хитой ҳам сафимиздан жой ола бошлади. Умуман олганда стадиондаги атмосфера футболчиларнинг рухиятига таъсир ўтказади", - дейди ҳамкасбимиз.

Ўйин борасида унинг фикрлари анча камтарона бўлди:
- Охирги 4 йил терма жамоангизда катта ўсиш бўлди. Сизлардан юз ўгирган омад бизга кулиб боқди ва биз ЖЧга чиқдик. Эртанги ўйиндаги ғалабани биздан кўра кўпроқ сизнинг футболчиларингиз исташлари табиий. Ҳозир ҳеч бир ўйинни терма жамоамизга осонлик билан ютмаяпти. У даврлар ортда қолди. Мана биргаликда кўриб турган ўйинимизда ҳам Иордания жуда яхши ҳаракат қиляпти. Бу терма жамоани биздан кўра яхшироқ биласиз. Гарчанд, японлар турнир фаворити бўлсада, ҳозир уларга осон бўлмаяпти.