Симоненко "Бунёдкор"нинг Дубайдаги йиғинига қўшилди
21 янв 2014 14:33
Янгиликлар

Симоненко "Бунёдкор"нинг Дубайдаги йиғинига қўшилди

Украиналик ҳимоячи Сергей Симоненко Тошкентнинг "Бунёдкор" клуби машғулотларига қўшилди.

Бугун футболчига "қалдирғочлар" қизиқиб қолишгани ҳақида хабар бергандик. Клуб қароргоҳидан олган маълумотларимизга кўра Симоненко Дубайга етиб борган ва жамоа ихтиёрига қўшилган.

"Бунёдкор"нинг Тошкентдаги йиғинида иштирок этган украиналик легионер Ризвон Аблитаровга эса жавоб берилган.

Миржалол Қосимов шогирдлари бугун маҳаллий вақт билан 18:00да (19:00 Тошкент) навбатдаги машғулотни ўтказишади.

Эслатиб ўтамиз, "Бунёдкор" бу йиғиндаги илк назорат учрашувини 22 январь куни "Ростов"га қарши ўтказади. "Қалдирғочлар" Дубайда Москванинг "Динамо" ва "Спартак" клубларига қарши ўйнайди.

Ҳавола :

Манба : championat.asia

Янгиликларни Телеграмда ўқинг!

Рейтинг: