Симеоне кечаги мағлубиятга изоҳ берди

"Улар кетма-кет учта гол уришди ва бу давр оралиғида "Арсенал" биздан кучлироқ эди. Стандартдан урилган гол учрашув тақдирини ўзгартириб юборди. 58-дақиқага қадар биз майдонда ёмон кўринмаяпган эдик, бироқ бугун биздан кучлироқ бўлган жамоа ғалаба қозонди.

 Учрашувни бизнинг фойдамизга ҳал қилиши мумкин бўлган майда деталлар бор эди. Бироқ рақиб ҳам ҳужумда ва ҳам ҳимояда анча тартибли жамоа. 60-дақиқага қадар биз рақибга муносиб қаршилик кўрсатдик, бироқ учрашувнинг сўнгги 30 дақиқасида улар ғалабага ҳақли ўйин кўрсатишди.

Уларда стандарт билан ишлайдиган яхши мутахассислар бор ва бу ўз самарасини бермоқда",  - деб фикр билдирди Симеоне.