Шуҳратбек Жўраев: “CА”ни янги билан табриклайман

Бу барчамиз учун ўзгача ҳис туйғуларга, янгидан-янги марраларни забт этишимизга илҳом бахш этувчи каби ажойиб хиссиётларга берилишимизга сабаб бўлувчи байрамдир.

Шу фурсатдан фойдаланган ҳолда, “championat.asia” ижодкорларини ҳам чин қалбим билан табриклаб қоламан. Ўзбек футболининг довруғини янада ёйишда, унинг юксалишида муносиб ҳиссасини қўшишда давом этаётган сайт ходимларига янги йилда ҳам улкан зафарлар, улкан ғалабалар ёр бўлишини тилаб қоламан. “Футбол Экспресс” газетаси мазкур сайт билан доимий ҳамкорликда ишлаш орқали янги босқичга кўтарилаётганини алоҳида эътироф этмоқчиман. Умид қиламанки, янги 2015 йил ҳам ҳаммамиз учун муваффақият келтиради ва мен бунга ишонаман. Сайт ижодкорларининг ҳар бир ходимини ва уларнинг амалга ошираётган ишларини эъзозлайман, қадрлайман ва албатта ҳурмат қиламан. Биз биргалашиб янгидан-янги марраларни забт этамиз.   

Ўзбекистон терма жамоасига эса Осиё Кубогида каттадан катта омад тилайман. Умуман олганда, 2015 йил барча юртдошларимиз учун унутилмас йил бўлиб қолишини ва унда ҳар бир юртдошимиз ўзининг ўйлаган эзгу мақсадларига эришишини чин дилимдан тилаб қоламан.

Ҳурмат билан Шуҳратбек ЖЎРАЕВ.