UZ

Сўнгги янгиликлар

20:37Альваро Мората Италияга қайтади  0 20:35Ўзбекистон Кубоги. "Бухоро" - ОКМК  9 19:53Де ла Фуэнте тақвим ҳақида: "Иккиюзламачилик бўлмаслиги керак"  1 19:38"Андижон"га қарши ўйинда "Қизилқум"нинг голи ўғирландими? Суперлиганинг 13-туридаги ҳакамлик фаолияти таҳлили  0 19:13Шота Арвеладзе собиқ клубига қайтди  0 18:38"Олтин тўп" эгаси КЧЖни кузатмаяпти: "Барселона" ўйнамаяпти. Шундай экан... нимага уни кўриш керак?  5 17:10"Ювентус" ва Дэвид йиллик маоши 6 млн евро бўлган шартнома бўйича келишиб олди. Фуболчининг агентлари 10+ млн. евро комиссия талаб қилишмоқда  0 17:01Эшитдик-да! "Насаф" ҳужумчиси клубни тарк этмоқда   16 16:28Сардор Абдураимов: "Чемпионатдаги мағлубият учун "Нефтчи"дан реванш олдик"  5 16:19Саутгейт рицарлик унвонига сазовор бўлди  0 15:36"Машъал" "Нефтчи"ни Ўзбекистон Кубогидан чиқариб юборган ўйиндан галерея  3 15:20"Арсенал" 5 миллион фунтга "Челси"дан Кепани сотиб олади  2 15:05Бобир Абдихолиқов ва Жасур Жалолиддинов "Сумқайит"ни тарк этишди  12 14:40Жамшид Ҳасанов: "Ўзбекистон Кубогини ким ютади? Мен учун "Машъал" фаворит"  2 14:20Ҳожиакбар Алижонов нега фақат қора бутсада майдонга тушади?  11

Шуҳрат Мақсудов: "Нефтчи"га қарши баҳсга "Бухоро" билан ўйин якунидаёқ тайёргарлик кўришга киришгандик" Янгиликлар

Шуҳрат Мақсудов: "Нефтчи"га қарши баҳсга "Бухоро" билан ўйин якунидаёқ тайёргарлик кўришга киришгандик"

Суперлиганинг 5-туридан ўрин олган "Нефтчи" – "Бунёдкор" (1:3) учрашувидан сўнг меҳмонлар бош мураббийи Шуҳрат Мақсудов матбуот анжуманида иштирок этди.




- Ўйин ҳақида

Ҳар доим водийга яхши кайфият билан келаман. Нега деганда, 11 йил умримни Фарғонада ўтказганман. Авваламбор, Фарғона аҳлини кириб келаётган Рамазон Ҳайит айёми билан табриклайман. Шунингдек, фурсатдан фойдаланиб, Қаршининг "Насаф" клубини ҳам ОЧЛда кучли жамоа устидан қозонилган ғалаба билан қутлайман.

Қийин учрашув ўтказдик. "Нефтчи" кетма-кет мағлубиятлардан сўнг бу ўйинда бор кучини намойиш этишини билардик. "Бухоро" билан ўйиндан сўнг футболчиларимизга бу ҳақда қайта-қайта таъкидладим. "Чўкаётган одам кўпикка ҳам ёпишади" деб айтилгани бежиз эмас. Тақвимга кўра, бизнинг кубок ва чемпионат доирасидаги ўйинлар оралиғи қисқа бўлиб қолди. Бу нарса яхшиликка бўлган экан, биз икки учрашувда ҳам ғалабага эришдик. 

Фурсатдан фойдаланиб, жамоамиз мухлисларига, футболчиларга жудаям катта миннатдорчилик билдираман. Гол ўтказиб юборгандан сўнг йигитлар ўйинни ташлаб юборишмади. Бу ҳақда ўйин аввалида ҳам айтиб ўтгандик, охиригача ўйнаш кераклигини тушунтиргандик. Менга бу жиҳат ёқди. Шунчалик узоқ йўл босиб келиб, бизни қўллаб-қувватлаган мухлисларимизга яна бир бор раҳмат айтаман.

- Биринчи бўлимдан кейин танаффусда жамоангиз футболчиларини қандай руҳлантирдингиз?

- Биласизми, бу ҳақда такрор айтаман, "Бухоро" билан ўйиндан сўнг йигитларни руҳлантиришни бошлагандик. Ўша ўйин якунидаёқ "Нефтчи" билан учрашувга тайёргарликни бошлагандик. Ўйин шу каби руҳда ўтишини билардик. Биринчи бўлимда қарши ҳужум услубини, иккинчи бўлимда ҳужумкор ўйин услубини танлагандик. 

Биринчи таймда гол ўтказиб юбордик. "Нефтчи" чиройли гол урди. Биз ўз ўйин услубимиздан чекинмай ўйнаганимиз эвазига ғалабага эришдик. Йигитлар охирги дақиқаларга қадар ишонч билан ҳаракат қилишди. 

- "Нефтчи" дарвозасига 2 гол узоқ масофадан киритилди. Бу дарвозабоннинг алоҳида ўрганиб чиқилганидан далолат берадими?

- Бу голлар тасодиф эмас. Биз биринчи бўлимда деярли узоқ масофадан зарба йўлламадик. Шу сабаб иккинчи бўлим аввалида йигитларга шундай кўрсатма бердик. Худога шукрки, ҳаммаси биз истагандек бўлди, ғалабага эришдик.

- Франсис Нарх алмаштирилишига сабаб нима?

- У озгина чарчаб қолди. Унинг ўрнига ёш футболчимизни туширдик. Ўйинлар орасидаги тиғиз вақт туфайли натижадан келиб чиқиб айрим футболчиларимизга дам олишлари учун имконият яратиб бердик.

Рейтинг: +5   

Ўхшаш янгиликлар

Фикрлар

championat.asia
< сўнгги янгиликларни кўриш
Яндекс.Метрика