Шуҳрат Файзиев “Бухоро”нинг вақтинчалик бош мураббийи
20 май 2015 15:09
Янгиликлар

Шуҳрат Файзиев “Бухоро”нинг вақтинчалик бош мураббийи

Аввал хабар берганимиздек, Александр Мочинов ўз вазифасидан озод этилганди.

Бизга етиб келган маълумотларга кўра, айни дамда жамоани навбатдаги ўйинга Шуҳрат Файзиев тайёрламоқда. Бунгача мураббийлар штабида Мочиновга яқиндан ёрдам бериб келган ушбу маҳаллий мутахассис вақтинчалик бош мураббий вазифасини бажаради.

Айтиш лозимки, Мочинов билан бирга унинг яқин ёрдамчиси Анатолий Курлаев ҳам жамоа билан хайрлашган. Шуҳрат Файзиевга эса Илҳом Умуров, Евгений Антоненко, Нурилло Ҳабибов ва Нодир Жўраев кўмаклашмоқда.

Шунингдек олинган маълумотларга кўра, спорт директори сифатида ишлаб келган Геннадий Кочнев ва ижрочи директори Амрилло Нажмиддинов ҳам деярли 99 фоизга жамоани тарк этган. Катта эхтимол билан бошқарувликка яна Алишер Рустамов қайтиши кутилмоқда. Шундан сўнг бош мураббий масаласи ҳам кўриб чиқилади. Бу борада номзодлар орасида, Тачмурод Агамуродов ва Ҳаким Фузайлов сингари мутахассисларнинг номи айтилмоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: