"Шўртан": Рустам Аъзамов умумий гуруҳга қўшилди

Кейинчалик шифокорлар ташҳисига кўра, бу жароҳат жиддий бўлиб чиқди. Ҳимоячи апрель ойи бошида Москвага бориб, жарроҳлик столига ётишга мажбур бўлди ва яқин кунгача даволаниш муолажаларини бошидан ўтказаётганди. Клуб шифокори - Алишер Абдураҳмоновнинг берган маълумотларига қараганда, куни кеча у умумий гуруҳдаги йигитлар билан биргаликда  машғулотларга киришган. “Айни пайтда Рустам Аъзамовнинг соғлиги яхши. Футболчини безовта қиладиган ҳолатлар кузатилмаяпти. Тикланиш жараёни ҳам кўнгилдагидек кечмоқда. Шифокорлар томонидан барча тиббий маслаҳат ва ёрдам кўрсатилмоқда. Аъзамов тез орада “Шўртан” сафига қайтиши кутилмоқда”, - дейди А.Абдураҳмонов.