Шоҳмалик Комилов: "Турон"да айни пайтда иштиёқ юқори, жамоага ўйиним билан ўз ҳиссамни қўшмоқчиман"

Бухорода "Бухоро" жамоаси меҳмони бўлган "Турон" сўнгги дақиқаларда гол уриб 3:2 ҳисобида ғалаба қозонди. Шу куни меҳмонлар сафида Шоҳмалик Комилов фаоллиги билан жамоасини олдинга чорлади ва асосий фигура бўлди. Мазкур учрашувдан сўнг унинг фикрлари билан қизиқдик. 

Бухоро Маҳмуд Жўрабоев - 80', Шохруз Норхонов - 83'

Суперлига. 14-тур 27/07/2023, 20:00 3 : 2 Тугади

Турон Файзуллобек Жуманқўзиев - 20', Шоҳмалик Комилов - 63', Асадбек Саитхонов - 90'

45'

90'

15'  Всеволод Нихаев

22'  Жасур Холтўраев (Асилбек Қаюмов)

43'  Александар Станисавлевич

56'  Иззатилла Пўлатов (Муҳаммаджон Раҳимов)

80'  Маҳмуд Жўрабоев

80'  Муҳаммаджон Раҳимов

83'  Шохруз Норхонов

20'  Файзуллобек Жуманқўзиев

63'  Шоҳмалик Комилов

63'  Абдулазиз Абдурашидов

70'  Шоҳмалик Комилов (Нгу Абега Энянг)

70'  Ҳумоюн Муртозаев (Асадбек Саитхонов)

77'  Шаҳзод Раҳматуллаев (Аъзам Алиев)

90'  Асадбек Саитхонов

Матч-центрда очиш

"Иккинчи даврага яхши тайёргарлик кўрдик. "Рубин" билан ўртоқлик учрашуви барчамиз учун яхши тажриба вазифасини ўтади. Бу ўйиндан кўп нарса олдик. Илк учрашувданоқ бунинг самараси кўзга ташлана бошлади. Жамоамиз ёш. Барча ўзини кўрсатишни истайди. Иштиёқ жуда юқори. Рақиб майдонида фақат ғалаба учун ўйнадик. Якунда бунинг уддасидан чиқдик, деб ўйлайман. 

"Турон"га ҳар бир ўйинда ёрдам беришга ҳаракат қиламан, тўхтаб қолиш хато ҳисобланади. Бундан ҳам яхши ўйин кўрсатишимга ишонгаман. Захирага олинишим эса мураббийнинг қарори. Бунга қарши чиқиб бўлмайди. Муҳими уч очко ўзимизники. 

Кейинги ўйин "Насаф" билан. Ўйиндан олдин бирор нарса демаган бўлардим. Шуни айта оламанки, ўйиндан-ўйинга қўшиб боришга, "Турон"га оз бўлсада ҳиссамни қўшишимни истайман",- дейди Шоҳмалик Комилов.