"Шахтёр" Эдуардонинг кетиши ҳақида эълон қилди

33 ёшли футболчининг Украина клуби билан шартномаси 2016 йилнинг 31 декабрида якунига етади, томонлар келишувни узайтирмади.

Эдуардо да Силва 2010 йилда "Арсенал"дан "Шахтёр"га ўтган. У дебют мавсумида жамоанинг Чемпионлар лигасидаги тўпурарига айланди. Эдуардо биринчи тўрт мавсумида "кончилар" билан 8 та совринни қўлга киритди.

Хорватиялик форвард "Шахтёр"да 173 та учрашув ўтказди ва 57 та гол урди. У уч маротаба Украина чемпиони бўлди ва 4 та мамлакат Кубоги ва 3 та Украина Суперкубоги соҳибига айланди.