UZ

Сўнгги янгиликлар

14:3924 ёшли дарвозабон, кучли жамоани ютган водий жамоаси устози, МТЖ ҳужумчиси — Суперлигада 24-турнинг энг яхшилари  0 14:15Фабио Каннаваро ҳақида билишингиз керак бўлган 15 та факт  0 13:54Гиоргадзе, Абдусаломов, Жалолиддинов, Кенжабоев, Сергеев... Суперлига 24-тур рамзий терма жамоаси  1 13:33"Қайрат"нинг 18 ёшли дарвозабони таълим грантига лойиқ кўрилди  1 13:08"Барселона" собиқ футболчиси Мемфис Депай ноодатий сабабга кўра Нидерландия терма жамоаси ўйинини ўтказиб юборади  3 12:39Капелло Каннаваронинг Ўзбекистон терма жамоаси бош мураббийи этиб тайинлангани ҳақида фикр билдирди  21 12:18"Манчестер Юнайтед" яна бир дарвозабон олиб келмоқчи  0 11:51U-20 Жаҳон чемпионати. Ўзбекистон иштирок этмаётган Чилидаги кичик мундиал қандай ўтмоқда?  2 11:30"Янги аср феномени": Жейми Каррагер Ҳоландни АПЛнинг энг яхши тўпурари деб атади  1 10:49ФИФА кунлари бошланди. Миллий жамоа Кувайт ва Уругвайга қарши. Қолган ёш тоифасидаги терма жамоаларимиз кимлар билан ўйнайди?  6 10:48Жеррард мураббийлик фаолиятини давом эттиришга яқин  2 10:24ОФК ЎФАни катта миқдорда жаримага тортди  32 10:23"Бавария" Англия терма жамоаси футболчиси билан музокараларни бошлади  1 09:56Ўзбекистон МТЖ собиқ футболчиси Каннаваронинг тайинланиши ҳақида: "Ассоцация қандай мезонларга таянганини билмайман"  26 09:20Туркиялик футболчининг трансфер нархи 80 миллион евро этиб белгиланди  1

Шавкат Саидов: “Турк клублари каби ўйинлар таҳлили ва статистика бўйича бир нечта платформадан фойдаланишни йўлга қўйишимиз керак” Янгиликлар

Шавкат Саидов: “Турк клублари каби ўйинлар таҳлили ва статистика бўйича бир нечта платформадан фойдаланишни йўлга қўйишимиз керак”

Теглар :  "Металлург"
7-11 декабрь кунлари Туркияда ўзбек футболи мутахассислари учун ўқув-семинари ўтказилди.

ЎзПФЛ ва Туркия Клублар бирлиги ҳамкорликда ташкил қилган семинар доирасида 20 нафар ўзбек клублари вакиллари турк футболи инфратузилмаси, “Фенербаҳче” ва “Галатасарой” клубларининг тижорий ва скаутинг (ўйинчилар селекцияси) соҳаларидаги фаолияти билан яқиндан танишиш имкониятига эга бўлишди.

“Металлург” футбол клуби бош директори Шавкат Саидов турк футболи андозаси асосида Ўзбекистонда ҳам скаутинг ва селекция жараёнини яхши йўлга қўйиш кераклигини айтиб ўтди. 

- Истанбулда ўтказилган семинарларда кўплаб муҳим маълумотларга эга бўлдик. Айниқса, “Фенербаҳче” ҳамда “Галатасарой” клубларига бўлган ташрифимиз жуда фойдали ўтди. 

Менга скаутинг бўйича Туркия клубларида йўлга қўйилган иш жараёни жуда маъқул бўлди. Айниқса, Туркиянинг гранд клубларида турли минтақалардаги ёш иқтидорларни аниқлаб олиш учун алоҳида ҳудудий бўлимлар мавжуд эканлигини таъкидлаб ўтишни истар эдим. Биз ушбу мулоқот жараёнида улардаги мавжуд скаутинг ва агентлар билан ишлаш тизими билан ҳам танишиб чиқдик. Айниқса, замонавий футболдаги мавжуд технология ва қурилмалар ёрдамида футболчиларнинг жисмоний кўрсаткичларини ҳам таҳлил қилиб борилиши жуда муҳимлигига гувоҳ бўлдик. 

Масалан, турк клублари скаутинг ва футболчилар ўйини таҳлили бўйича бир вақтнинг ўзида бир неча платформалардан фойдаланишар экан. Футболчининг ўйинларини бориб кўриш, статистик таҳлилини амалга ошириш, Wyscout, Transfermarkt сингари платформалар орқали яна бошқа кўрсаткичларини мунтазам ўрганиб, солиштириб боришар экан. 

Диққатимни тортган жиҳатлардан яна бири уларда футболчининг техник-тактик ва жисмоний жиҳатларидан ташқари, руҳий ҳолатига ҳам алоҳида эътибор қаратилиши бўлди. Яъни катта ўйинларга, хусусан биз кузатган “Бешиктош” – “Фенербаҳче” сингари дербиларга руҳан тайёр бўлган футболчиларни жамоага жалб этишга алоҳида эътибор қаратилар экан. Биз ҳам мана шундай катта босимли учрашувларга дош берадиган ёш футболчиларни тарбиялай олсак, келажакда халқаро майдонда Эрон, Жанубий Корея ва Япония сингари қитъамизнинг гранд термаларидан ўзиб кета олишимизга ишонаман. 

“Металлург” футбол академиясида ҳам ёш футболчиларни айнан психологик жиҳатдан катта футболга тайёрлашга алоҳида эътибор қаратишга интиламиз. “Металлург”да ҳам 4 йилдан буён алоҳида скаутинг бўлими фаолият олиб бормоқда. Илҳом Шарипов сингари жамоамиз мухлисларига яхши таниш бўлган яна 5 нафар собиқ футболчиларимиз янги иқтидорларни клубга жалб этишга масъул бўлиб келишмоқда. Скаутинг бўйича иш жараёнимизни ушбу сафардан олган билимларимиз орқали янада яхшилаб, “Металлург” футбол академияси ва асосий таркибимизни юртимизнинг энг сара иқтидорлари билан тўлдиришда давом этамиз, - деди Шавкат Саидов.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика