"Шанхай СИПГ"да бўш қолган осиёлик футболчи лимитини АПЛдан харид қилинган ўйинчи тўлдиради

"Брайтон" Аарон Муйни 28 августда "Шанхай СИПГ"га ўтганини эълон қилган эди. Аммо, Хитой клуби буни бироз олдинроқ эълон қилди. Хитой клуби футболчини 4 миллион фунтлик товон пулини тўлаган.

Хитой чемпионатидаги легионерларга қўйилган лимит бўйича янги қарорга кўра, энди бир клубда бир ўйин учун 5 нафар (қайси қитъадан эканлиги аҳамиятсиз, дарвозабонлар бундан мустасно)гача чет эллик ўйинчи қайдномадан ўрин олиши мумкин. Аммо, ОЧЛда ўйнайдиган Хитой клублари Осиёнинг клублар миқёсидаги бош мусобақасида барча қатори 3+1 лимити бўйича иштирок этишади.

29 ёшли австралиялик футболчи "Брайтон"га қадар "Болтон Уондерерс", "Сент-Миррен", "Вестерн Сидней Уондерерс", "Мельбурн Сити", "Манчестер Сити", "Хаддерссффилд Таун" клубларида тўп тепган. 2012 йилдан буён эса Австралия терма жамоаси шарафини ҳимоя қилади.

→ Одил Аҳмедов "Шанхай СИПГ" тарк этиб, бошқа бир Хитой клубида фаолиятини давом эттиради