Шакер Зуаги: “Учинчи голимиздан кейин “Навбаҳор” таслим бўлди”

- “Навбаҳор”нинг майдонида ҳеч бир жамоага осон бўлмайди. Биз тезкор гол уриб, вазиятни ўз томонимизга оғдириб олгандик. Бироқ “Навбаҳор” вакиллари стандарт вазиятидан ҳисобни тенглаштиришди. Бахтимизга, орадан ҳеч қанча вақт ўтмасдан Нурматов рақиб дарвозасини ишғол қилишга эришди. Учинчи голни урганимиздан сўнг “Навбаҳор” таслим бўлди, деб ўйлайман. Очиғи, майдон ҳолати ишларимизни қийинлаштирди. Бизда яхши коллектив бор. Ортда қолган вақт мобайнида Осиё Чемпионлар лигаси “плей-офф” ва гуруҳ босқичида, шунингдек олий лига ва кубок доирасида жуда кўплаб учрашувлар ўтказдик. Бир нечта футболчиларимиз жароҳатлар ва карточкалар туфайли учрашувларни ўтказиб юборишди. Шу боисдан ҳам чарчоқ аломатлари сезилмай қолмаяпти. Лекин, “Бунёдкор”да 11 нафар эмас, 20га яқин асосий таркиб футболчилари бор. Оралиқ танаффусда куч йиғиб олиш учун имконият бўлади. Ўйлайманки, иккинчи давра биз учун биринчисига қараганда енгилроқ ўтади. Олдинда “Локомотив”га қарши муҳим учрашув кутиб турибди. Ўйлайманки, жамоамиздаги аҳил ҳарактер туфайли ушбу учрашувда ҳам ижобий натижа қайд эта оламиз, - дейди Шакер Зуаги.

"Бунёдкор" матбуот хизмати