Сервер Жепаров: "Насаф"га қарши ҳимоявий тактика танладик ва бу самара келтирди"

"Бугун ўйин қизиқарли бўлди, айниқса охирги дақиқалар. Биз бугун ҳимоявий тактика танладик. Кўпчиликка ҳимоявий тактика ёқмайди, аммо футболда ҳар қандай усулда ўйнашни билиш керак. "Насаф" клуби ва Рўзиқул Бердиевнинг иш услуби туфайли ҳимоявий тактика танладик ҳамда бу иш берди. Бизда гол уриш учун ҳам вазиятларимиз бўлди", - деди Жепаров.  

- Раҳбарият олдингизга аниқ вазифа қўйилдими?

- Жамоа олдига ҳар бир ўйинда ғалаба қозониш вазифаси қўйилди. Мусобақа жадвалида юқорига кўтарилишга интиламиз. 

- Иккита таймда икки хил ўйин бўлди...

- Доим биринчи таймда камроқ бўш зоналар бўлади, иккинчи таймда кучлар камроқ қолади ва бўш зоналар катталашади. "Насаф" комбинацион ўйин намойиш этди. Аммо бунга қарши тайёр эдик. 

- Нурмуҳаммад Тошпўлатов бугун асосий таркибда майдонга тушди. Бу таваккал эдими? 

- Биз рақиб жамоага тайёргарлик кўрдик, ўз футболчиларимизнинг ҳолатини ҳам биламиз. Шу боис уни майдонга туширдим. 

- Жасур Жалолиддинов тажрибали футболчи. Нима учун алмаштирдингиз? 

- Тўғри у тажрибали, аммо шу билан бирга ёш футболчи. Бугунги кунга келиб афсуски катта ҳажмдаги ишни амалга оширмаяпти. Шу боис ҳужумни кучайтириш учун бошқа футболчини туширдим", дея қўшимча қилди "темирйўлчилар" устози.