Сергей Лушчан: “Бизга барқарорлик етишмаяпти”

- “Нефтчи” жамоасини ғалаба билан табриклайман. Фарғоналиклар яхши ўйин ва яхши ҳужум уюштиришди. Мағлубиятни ўз бўйнимга оламан. Негадир барқарорлик етишмаяпти. Бугун ҳам бизда вазиятлар бўлди. Бироқ уларни голга айлантиришга келганда аниқ ўйнай олмадик. Бу эски касаламиз. Муаммоларни баратараф этишга ҳаракат қиламиз. Бугунги баҳс олдидан Хайрулла Каримов кутилмаган жароҳат олди. Шу боис бугун у таркибга киритилмади. Жамоа етакчиси йўқ бўлса бу албатта сезилмай қолмайди. Вазифамиз ҳеч қачон олиб ташланмайди. Чемпионатда ҳам кубокда ҳам максимал натижа учун ўйнаймиз. ОЧЛга бериладиган йўлланмалардан бирини қўлга киритишимиз шарт, - дейди Сергей Иванович.

"Бунёдкор" матбуот хизмати