Сергей Лушан - "Нефтчи"дан "Нефтчи"гача
23 сен 2015 11:25
Янгиликлар

Сергей Лушан - "Нефтчи"дан "Нефтчи"гача

Бугун Тошкентнинг "Бунёдкор" клуби бош мураббийи Сергей Лушан истеъфога чиқарилди.

Сергей Иванович 2014 йил 3 июнь санасида жамоага бош мураббий этиб тайинланганди. 5 июнда "қалдирғочлар" Лушан қўл остидаги илк ўйинни Тошкентда Фарғонанинг "Нефтчи" клубига қарши ўтказиб 1:1 ҳисобини қайд этганди. 2014 йилда жамоа Лушан бошчилигида жами 16та ўйин ўтказиб 9та ғалаба, 3та дуранг ва 4та мағлубият қайд этганди.

Бу йил 22та учрашувда "Бунёдкор" 14та ғалаба, 2та дуранг ҳамда 6та мағлубият қайд этди.

Энг қизиғи Лушаннинг дастлабки ўйини ҳам, сўнгги ўйини ҳам айнан "Нефтчи" билан бўлди. Ўтган турда жамоа Фарғонада "Нефтчи"га 0:2 ҳисобида ютқазиб қўйди.