Сергей Лушан: “Кўпроқ гол уришимиз керак”

Ўйиндан сўнг “Сўғдиёна” жамоаси бош мураббийи Сергей Лушан ва жамоа сардори Санжар Рашидов ўйин борасида ўз фикрларини билдирди.

- Яхши ўйин бўлди. Шогирдларимнинг ўйинидан қониқдим. Афсуски кўплаб  вазиятлардан фойдалана олмадик. Баҳс давомида кўплаб вазиятларни яратиб атиги  битта гол киритдик. Бундай учрашувларда маҳорат ўз сўзини айтади. Рақибларда ҳам гол уриш учун кўплаб имкониятлар  бўлди. Бахтимизга уларнинг зарбалари дарвоза устунига тегди.  Якунда ғалаба қозондик ва бундан хурсандмиз. Яратилаётган қулай  вазиятларни голга айлантириш устида машғулотлар давомида кўпроқ ишлаймиз - дейди Сергей Лушан.

Бу ўйинга кўп вақт давомида тайёрландик ва ғалаба биз учун муҳим эди. Оғир ўйин ўтказдик. Ғалаба қозондик бундан хурсандмиз. Бизни қўллаб-қувватлаган барча мухлисларга жамоамиз номидан рахмат айтамиз - дейди жамоа сардори Санжар Рашидов.