Сергей Чигодаев: "Бош мураббий эртага Тошкентга қайтади"
18 май 2024 22:00
Янгиликлар

Сергей Чигодаев: "Бош мураббий эртага Тошкентга қайтади"

Суперлиганинг 8-туридан ўрин олган "Қизилқум" - "Олимпик" (2:4) учрашувидан сўнг меҳмонлар мураббийи Сергей Чигодаев матбуот анжуманида иштирок этди.

Ўйин ҳақида

- Қийин учрашув ўтказдик. Ғалаба билан жамоамиз мухлисларини табриклайман. Биринчи бўлимда ўйинимиз қовушмади, иккинчи бўлимда анчайин жонландик. Айнан иккинчи бўлимдаги иштиёқ бугунги ғалабамизга сабабчи бўлди.

- Бош мураббий Темур Кападзе Франциядан қачон қайтади? Навбатдаги ўйинга жамоани ким тайёрлайди?

- Темур Тохирович эртага қайтади. Ва албатта навбатдаги ўйинга ўзи тайёрлайди.

- Бугун "Олимпик"нинг 3-дарвозабони майдонга туширилди. Асосий дарвозабонларда жароҳат бор эдими?

- Бизда иккинчи ёки учинчи деган мақом йўқ. Ҳар бир дарвозабон жамоага бир хил статусга эга. Ким ўйинга тўлиқ тайёр бўлса, ўша майдонга тушади.

- Ғалабага рақиб футболчисининг қизил карточка олгани ҳам сабаб бўлдими?

- Иккинчи бўлимда жамоамиздаги иштиёқ кучайди. Биринчи бўлимдагидан бутунлай акс қиёфада ўйин намойиш этдик. Албатта рақибнинг етакчи футболчиларидан бири қизил карточка олиши бизнинг имкониятларимизни янада оширди.